Ýkrainanyń Irpen qalasynan evakýatsiialanyp jatqan adamdar buzylǵan kópir astymen keledi
Gaagadaǵy Birikken ulttar uiymynyń halyqaralyq soty Ýkrainanyń Resei ústinen túsirgen talap-aryzyn dúisenbi kúni qarai bastady. Kiev Máskeýdi genotsid týraly halyqaralyq konventsiiany teris túsinedi dep aiyptady. Talap-aryzda "Resei konventsiiany teris maqsatta paidalanyp, Ýkraina jerine basyp kirýge ilik etti" deidi.
Resei prezidenti Vladimir Pýtin Ýkrainanyń Donbasyndaǵy 2014 jyldan qazirge deiingi jaǵdaidy sóz etkende "genotsid" degen termindi birneshe ret qoldanǵan. Kiev sottan talap aryzyn qanaǵattandyrýdy, Resei basqynshylyǵyn toqtatýdy talap etip otyr.
Halyqaralyq sottyń dúisenbidegi otyrysyna Resei ókili kelmegen. Muny sýdia Djoan Donohiý sot ashylǵan kezde aitty. Sot otyrysynan onlain transliatsiia boldy. Ýkraina ókili Anton Korinevich soǵys aldynda Máskeýdiń Kievke genotsid jóninde taqqan aiyby negizsiz ekenin dáleldeitinin málimdedi.
