ۋكراينانىڭ يرپەن قالاسىنان ەۆاكۋاتسييالانىپ جاتقان ادامدار بۇزىلعان كٶپٸر استىمەن كەلەدٸ
گااگاداعى بٸرٸككەن ۇلتتار ۇيىمىنىڭ حالىقارالىق سوتى ۋكراينانىڭ رەسەي ٷستٸنەن تٷسٸرگەن تالاپ-ارىزىن دٷيسەنبٸ كٷنٸ قاراي باستادى. كيەۆ مەسكەۋدٸ گەنوتسيد تۋرالى حالىقارالىق كونۆەنتسييانى تەرٸس تٷسٸنەدٸ دەپ ايىپتادى. تالاپ-ارىزدا "رەسەي كونۆەنتسييانى تەرٸس ماقساتتا پايدالانىپ, ۋكراينا جەرٸنە باسىپ كٸرۋگە ٸلٸك ەتتٸ" دەيدٸ.
رەسەي پرەزيدەنتٸ ۆلاديمير پۋتين ۋكراينانىڭ دونباسىنداعى 2014 جىلدان قازٸرگە دەيٸنگٸ جاعدايدى سٶز ەتكەندە "گەنوتسيد" دەگەن تەرميندٸ بٸرنەشە رەت قولدانعان. كيەۆ سوتتان تالاپ ارىزىن قاناعاتتاندىرۋدى, رەسەي باسقىنشىلىعىن توقتاتۋدى تالاپ ەتٸپ وتىر.
حالىقارالىق سوتتىڭ دٷيسەنبٸدەگٸ وتىرىسىنا رەسەي ٶكٸلٸ كەلمەگەن. مۇنى سۋديا دجوان دونوحيۋ سوت اشىلعان كەزدە ايتتى. سوت وتىرىسىنان ونلاين ترانسلياتسييا بولدى. ۋكراينا ٶكٸلٸ انتون كورينەۆيچ سوعىس الدىندا مەسكەۋدٸڭ كيەۆكە گەنوتسيد جٶنٸندە تاققان ايىبى نەگٸزسٸز ەكەنٸن دەلەلدەيتٸنٸن مەلٸمدەدٸ.
