Búgin fýtzaldan UEFA Chempiondar ligasy negizgi satysynda «Qairat» alǵashqy oiyndaryn ótkizdi, dep habarlaidy QazAqparat.
Búgin qazaqstandyq klýb Chehiianyń «Plzen» komandasymen sheberlik baiqasty.
Oiyn barysynda «Qairat» fýtzalshylary alǵashqy sátten tizgindi qolyna alýǵa tyrysty. Dese de chehiialyq komanda oǵan birden múmkindik bere qoiǵan joq.
Ýaqyt óte kele qazaqstandyq komanda shabýyl shebinde jii boi kórsetti. Aldymen 17-minýtta Dýglas Jýnior «Qairatty» alǵa shyǵardy. Odan keiin 22-minýtta Albert Aqbalyqov esepti ústemelei tústi. Al 23-minýtta Mihal Gola esep aiyrmasyn qysqartsa, 26-minýtta almatylyq klýbtan Diego Favero mergendigimen kózge tústi.
Budan keiin «Plzen» sapynan Mihal Seidler 28, Tomash Vnýk 37-minýttarda eki gol soǵyp ketti. Osylaisha tarazy basy teńesti.
Kezdesý 3:3 esebimen teń aiaqtaldy.
Aita keteiik, «Qairat» tórtinshi topta synǵa túsedi. Qarsylastary - Chehiianyń «Plzen», Reseidiń «Tiýmen» jáne Italiianyń «Pezaro» komandalary.
