بٷگٸن فۋتزالدان UEFA چەمپيوندار ليگاسى نەگٸزگٸ ساتىسىندا «قايرات» العاشقى ويىندارىن ٶتكٸزدٸ, دەپ حابارلايدى قازاقپارات.
بٷگٸن قازاقستاندىق كلۋب چەحييانىڭ «پلزەن» كومانداسىمەن شەبەرلٸك بايقاستى.
ويىن بارىسىندا «قايرات» فۋتزالشىلارى العاشقى سەتتەن تٸزگٸندٸ قولىنا الۋعا تىرىستى. دەسە دە چەحييالىق كوماندا وعان بٸردەن مٷمكٸندٸك بەرە قويعان جوق.
ۋاقىت ٶتە كەلە قازاقستاندىق كوماندا شابۋىل شەبٸندە جيٸ بوي كٶرسەتتٸ. الدىمەن 17-مينۋتتا دۋگلاس جۋنيور «قايراتتى» العا شىعاردى. ودان كەيٸن 22-مينۋتتا البەرت اقبالىقوۆ ەسەپتٸ ٷستەمەلەي تٷستٸ. ال 23-مينۋتتا ميحال گولا ەسەپ ايىرماسىن قىسقارتسا, 26-مينۋتتا الماتىلىق كلۋبتان ديەگو فاۆەرو مەرگەندٸگٸمەن كٶزگە تٷستٸ.
بۇدان كەيٸن «پلزەن» ساپىنان ميحال سەيدلەر 28, توماش ۆنۋك 37-مينۋتتاردا ەكٸ گول سوعىپ كەتتٸ. وسىلايشا تارازى باسى تەڭەستٸ.
كەزدەسۋ 3:3 ەسەبٸمەن تەڭ اياقتالدى.
ايتا كەتەيٸك, «قايرات» تٶرتٸنشٸ توپتا سىنعا تٷسەدٸ. قارسىلاستارى - چەحييانىڭ «پلزەن», رەسەيدٸڭ «تيۋمەن» جەنە يتالييانىڭ «پەزارو» كوماندالارى.
