Fýtzaldan Chempiondar ligasynyń elitalyq satysynda qazaqstandyq «Qairat» Maltanyń «Liýksol Sent-Endriýs» komandasymen kezdesti, dep habarlaidy QazAqparat.
Komandalar S tobynda synǵa túsedi. Almaty qalasynda ótip jatqan atalǵan top oiyndarynda olardan ózge «Hrýdim» (Chehiia) jáne «Benfika» (Portýgaliia) baq synap jatyr.
Kezdesý barysynda komandalar bir-biriniń qaqpasynan gol soǵatyn múmkindik izdedi. Degenmen birinshi kezeńde tablodaǵy esep ózgergen joq.
Ekinshi kezeńde «Qairat» oiyn tizginin óz qolyna alýǵa tyrysty. Alaida jankúierler soǵylǵan goldy kóre alǵan joq.
Kezdesý 0:0 esebimen teń aiaqtaldy.
Endi almatylyq klýb aldaǵy oiynyn erteń, 24 qarashada «Hrýdim» komandasyna qarsy ótkizedi.
Chehiialyq klýb búgin Portýgaliianyń «Benfika» komandasymen 3:3 esebimen teń tústi.
Oiyndar 22-27 qarasha aralyǵynda ótedi. Árbir toptyń jeńimpazy týrnirdiń bas júldesin sarapqa salatyn tórt komanda qataryna qosylady.
Almatylyq klýb týrnirdiń negizgi satysynda óz tobynda úshinshi oryn aldy. Jarys barysynda frantsiialyq «Sporting Parijdi» 3:2 esebimen jeńse, belgiialyq «Halle-Gooik» jáne ispaniialyq «Palmamen» 2:2 esebimen teń tústi.
