Búgin qazaqstandyq «Qairat» fýtzaldan UEFA Chempiondar ligasy elitalyq satysyndaǵy alǵashqy oiynyn Belarýs eliniń «VitEn» klýbyna qarsy ótkizdi, dep habarlaidy QazAqparat.
Qos komanda bir-birine laiyqty qarsylyq kórsetti. Alǵashqy minýttarda belarýstik fýtzalshylar alǵa qarai umtyldy. Nátijesinde olardyń qatarynan 1-minýtta Oleg Eremin esep ashty. Al 3-minýtta almatylyq klýbtan Savio tarazy basyn teńestirse, 12-minýtta Albert Aqbalyqov «Qairatty» alǵa shyǵardy. Degenmen 12-minýtta qazaqstandyq komanda qaqpasyna Pavel Rogovik gol soǵyp, qaitadan tarazy teńesti.
Ekinshi kezeńde «Qairat» belsendi bastady. Qarsylastar qaqpasy mańynda jii boi kórsetti. Belarýs komandasy oǵan laiyqty qarsylyq tanytty. Qazaqstandyq Shyǵys Esenamanov 30-minýtta kózdegen nysanadan múlt ketken joq.
Kezdesýde «Qairat» qarsylasynan 3:2 esebimen basym tústi.
«Qairat» endi 3 jeltoqsanda «Aner-Vilnev» klýbymen kezdesse, 5 jeltoqsanda «Tiýmen» klýbymen oinaidy.
Eske salsaq, almatylyq klýb A tobynda synǵa túsedi. Qarsylastary - «VitEn» (Belarýs),«Aner-Vilnev» (Frantsiia) jáne «Tiýmen» (Resei) komandalary.
