بٷگٸن قازاقستاندىق «قايرات» فۋتزالدان UEFA چەمپيوندار ليگاسى ەليتالىق ساتىسىنداعى العاشقى ويىنىن بەلارۋس ەلٸنٸڭ «ۆيتەن» كلۋبىنا قارسى ٶتكٸزدٸ, دەپ حابارلايدى قازاقپارات.
قوس كوماندا بٸر-بٸرٸنە لايىقتى قارسىلىق كٶرسەتتٸ. العاشقى مينۋتتاردا بەلارۋستٸك فۋتزالشىلار العا قاراي ۇمتىلدى. نەتيجەسٸندە ولاردىڭ قاتارىنان 1-مينۋتتا ولەگ ەرەمين ەسەپ اشتى. ال 3-مينۋتتا الماتىلىق كلۋبتان ساۆيو تارازى باسىن تەڭەستٸرسە, 12-مينۋتتا البەرت اقبالىقوۆ «قايراتتى» العا شىعاردى. دەگەنمەن 12-مينۋتتا قازاقستاندىق كوماندا قاقپاسىنا پاۆەل روگوۆيك گول سوعىپ, قايتادان تارازى تەڭەستٸ.
ەكٸنشٸ كەزەڭدە «قايرات» بەلسەندٸ باستادى. قارسىلاستار قاقپاسى ماڭىندا جيٸ بوي كٶرسەتتٸ. بەلارۋس كومانداسى وعان لايىقتى قارسىلىق تانىتتى. قازاقستاندىق شىعىس ەسەنامانوۆ 30-مينۋتتا كٶزدەگەن نىسانادان مٷلت كەتكەن جوق.
كەزدەسۋدە «قايرات» قارسىلاسىنان 3:2 ەسەبٸمەن باسىم تٷستٸ.
«قايرات» ەندٸ 3 جەلتوقساندا «انەر-ۆيلنەۆ» كلۋبىمەن كەزدەسسە, 5 جەلتوقساندا «تيۋمەن» كلۋبىمەن وينايدى.
ەسكە سالساق, الماتىلىق كلۋب ا توبىندا سىنعا تٷسەدٸ. قارسىلاستارى - «ۆيتەن» (بەلارۋس),«انەر-ۆيلنەۆ» (فرانتسييا) جەنە «تيۋمەن» (رەسەي) كوماندالارى.
