Fýtzaldan UEFA Chempiondar ligasynyń jartylai finalynda Almatynyń «Qairaty» Ispaniianyń «Barselona» komandasymen kezdesti, dep habarlaidy "Ult aqparat".
Búgingi kezdesýde ispaniialyq klýb oiynshylary tizgindi qolǵa alýǵa tyrysty. «Qairattyń» negizgi qaqpashysy Igita shirek finaldaǵy «Benfika» komandasymen kezdesýde alǵan «qyzyl» qaǵazyna bailanysty bul oiynnan shettetildi. Onyń ornyn 19 jastaǵy Narýn Serikov almastyrdy. Ol oiyn barysynda kóptegen sátterde ózine senimdi kórindi.
Dese de Eýropa qurlyǵynda tájiribeli klýbtyń biri sanalatyn «Barselona» alǵashqy bolyp esep ashty. Atap aitqanda, 15-minýtta Ferrao mergendik tanytsa, 20-minýtta esepti ústemelei tústi. Budan keiin 24-minýtta «Qairat» sapynan Diego Favero esep aiyrmasyn qysqartty. Al 32-minýtta Ferrao het-trik avtory atansa, 35-minýtta qazaqstandyq klýb sapynan Fernandino kózdegen nysanadan múlt ketken joq.
Kezdesý barysynda «Barselona» 3:2 esebimen jeńip, finalǵa joldama aldy. Ispandyq klýb 3 mamyrda finalda Portýgaliianyń «Sporting» komandasymen kezdesedi.
Esterińizge sala ketelik, budan buryn atalǵan týrnirde komandalar úsh márte kezdesti. Úsheýinde de qazaqstandyq klýbtyń mereii ústem bolǵan edi.
