فۋتزالدان UEFA چەمپيوندار ليگاسىنىڭ جارتىلاي فينالىندا الماتىنىڭ «قايراتى» يسپانييانىڭ «بارسەلونا» كومانداسىمەن كەزدەستٸ, دەپ حابارلايدى "ۇلت اقپارات".
بٷگٸنگٸ كەزدەسۋدە يسپانييالىق كلۋب ويىنشىلارى تٸزگٸندٸ قولعا الۋعا تىرىستى. «قايراتتىڭ» نەگٸزگٸ قاقپاشىسى يگيتا شيرەك فينالداعى «بەنفيكا» كومانداسىمەن كەزدەسۋدە العان «قىزىل» قاعازىنا بايلانىستى بۇل ويىننان شەتتەتٸلدٸ. ونىڭ ورنىن 19 جاستاعى نارۋن سەرٸكوۆ الماستىردى. ول ويىن بارىسىندا كٶپتەگەن سەتتەردە ٶزٸنە سەنٸمدٸ كٶرٸندٸ.
دەسە دە ەۋروپا قۇرلىعىندا تەجٸريبەلٸ كلۋبتىڭ بٸرٸ سانالاتىن «بارسەلونا» العاشقى بولىپ ەسەپ اشتى. اتاپ ايتقاندا, 15-مينۋتتا فەرراو مەرگەندٸك تانىتسا, 20-مينۋتتا ەسەپتٸ ٷستەمەلەي تٷستٸ. بۇدان كەيٸن 24-مينۋتتا «قايرات» ساپىنان ديەگو فاۆەرو ەسەپ ايىرماسىن قىسقارتتى. ال 32-مينۋتتا فەرراو حەت-تريك اۆتورى اتانسا, 35-مينۋتتا قازاقستاندىق كلۋب ساپىنان فەرناندينو كٶزدەگەن نىسانادان مٷلت كەتكەن جوق.
كەزدەسۋ بارىسىندا «بارسەلونا» 3:2 ەسەبٸمەن جەڭٸپ, فينالعا جولداما الدى. يسپاندىق كلۋب 3 مامىردا فينالدا پورتۋگالييانىڭ «سپورتينگ» كومانداسىمەن كەزدەسەدٸ.
ەستەرٸڭٸزگە سالا كەتەلٸك, بۇدان بۇرىن اتالعان تۋرنيردە كوماندالار ٷش مەرتە كەزدەستٸ. ٷشەۋٸندە دە قازاقستاندىق كلۋبتىڭ مەرەيٸ ٷستەم بولعان ەدٸ.
