Búgin elorda tórinde fýtzaldan 2022 jylǵy Eýropa chempionatynyń toptyq irikteý kezeńinde Qazaqstan quramasy Izrailmen kezdesti, dep habarlaidy "Ult aqparat".
Oiyn barysynda qazaqstandyq fýtzalshylar senimdi oiyn kórsetti. Oiynnyń 16-minýtynda Tainan esep ashsa, 18, 19-minýttarda Jomart Toqaev esepti ústemelei tústi.
Ekinshi kezeńniń 23-minýtynda Tainan taǵy bir goldyń avtory atandy. Al 37-minýtta Izrail quramasy sapynan Or Goldstein bir golmen jaýap qaiyrdy.
Osylaisha Qazaqstan quramasy qarsylasynan 4:1 esebimen basym tústi. Nátijesinde irikteý kezeńindegi besinshi jeńisine qol jetkizdi.
Buǵan deiin qazaqstandyq fýtzalshylar tórt oiyn ótkizdi. Olar Vengriia (5:0, 6:1) men Belarýsti (5:2, 6:1) qapy qaldyryp ketti. Tórt týrda birde-bir upaidy shashaý shyǵarmaǵan qurama 12 upai jinap, eki týr buryn jarystyń finaldyq kezeńine joldama alyp qoidy.
Aita keterligi, eki qurama Nur-Sultanda 11 sáýirde taǵy bir kezdesý ótkizedi. Atalǵan topta 13 sáýirde Belarýs jáne Vengriia quramalary sheberlik baiqasady. Osylaisha irikteý kezeńi máresine jetedi.
