بٷگٸن ەلوردا تٶرٸندە فۋتزالدان 2022 جىلعى ەۋروپا چەمپيوناتىنىڭ توپتىق ٸرٸكتەۋ كەزەڭٸندە قازاقستان قۇراماسى يزرايلمەن كەزدەستٸ, دەپ حابارلايدى "ۇلت اقپارات".
ويىن بارىسىندا قازاقستاندىق فۋتزالشىلار سەنٸمدٸ ويىن كٶرسەتتٸ. ويىننىڭ 16-مينۋتىندا تاينان ەسەپ اشسا, 18, 19-مينۋتتاردا جومارت توقاەۆ ەسەپتٸ ٷستەمەلەي تٷستٸ.
ەكٸنشٸ كەزەڭنٸڭ 23-مينۋتىندا تاينان تاعى بٸر گولدىڭ اۆتورى اتاندى. ال 37-مينۋتتا يزرايل قۇراماسى ساپىنان ور گولدستەين بٸر گولمەن جاۋاپ قايىردى.
وسىلايشا قازاقستان قۇراماسى قارسىلاسىنان 4:1 ەسەبٸمەن باسىم تٷستٸ. نەتيجەسٸندە ٸرٸكتەۋ كەزەڭٸندەگٸ بەسٸنشٸ جەڭٸسٸنە قول جەتكٸزدٸ.
بۇعان دەيٸن قازاقستاندىق فۋتزالشىلار تٶرت ويىن ٶتكٸزدٸ. ولار ۆەنگرييا (5:0, 6:1) مەن بەلارۋستٸ (5:2, 6:1) قاپى قالدىرىپ كەتتٸ. تٶرت تۋردا بٸردە-بٸر ۇپايدى شاشاۋ شىعارماعان قۇراما 12 ۇپاي جيناپ, ەكٸ تۋر بۇرىن جارىستىڭ فينالدىق كەزەڭٸنە جولداما الىپ قويدى.
ايتا كەتەرلٸگٸ, ەكٸ قۇراما نۇر-سۇلتاندا 11 سەۋٸردە تاعى بٸر كەزدەسۋ ٶتكٸزەدٸ. اتالعان توپتا 13 سەۋٸردە بەلارۋس جەنە ۆەنگرييا قۇرامالارى شەبەرلٸك بايقاسادى. وسىلايشا ٸرٸكتەۋ كەزەڭٸ مەرەسٸنە جەتەدٸ.
