Qazaqstandyq Birjan Orazov fýtzaldan 2022 jylǵy Eýropa chempionatynda úzdik surmergen atandy, dep habarlaidy "Ult aqparat".
Qazaqstandyq fýtbolshy qurlyqtyq dodada 7 gol soqty. Ol ózi qatysqan barlyq kezdesýde «qanjyǵasyn mailady».
Aldymen toptyq kezeńde Sloveniia qaqpasyna bir gol salyp, odan keiin Finliandiia, Italiia qaqpashylaryn eki márte qapy qaldyrdy. Shirek finalda Ýkrainamen oiynda da eki márte dáldigimen kózge tústi.
Ekinshi orynǵa reseilik Anton Sokolov jaiǵasty. Onyń enshisinde alty gol bar. Surmergender sapyndaǵy reseilikter - Artiom Antoshkin men Ivan Chishkala bes-besten gol soqsa, taǵy bir qazaqstandyq Dýglas Jýnior tórt goldyń avtory atandy.
Eske salsaq, biylǵy qurlyqtyq dodada Qazaqstan quramasy da básekege tústi. V tobynda baq synaǵan otandastarymyz alǵashqy oiynda Sloveniiamen (4:4) teń túsip, odan keiin Finliandiiany (6:2) jáne Italiiany 4:1 esebimen tize búktirdi. Nátijesinde 7 upaimen birinshi oryn aldy. Al shirek finalda Ýkrainaǵa 3:5 esebimen jol berdi.
