Katar elinde fýtboldan ótip jatqan klýbtar arasyndaǵy álem chempionatynyń finalynda kezdesetin quramalar anyqtaldy, dep habarlaidy "Ult aqparat".
Esterińizge sala ketelik, atalǵan dop dodasy 1 aqpan kúni bastalýy tiis bolatyn. Bul kúni Katardyń «Al Dýhail» jáne Jańa Zelandiianyń «Oklend Siti» komandalarynyń oiyny josparlanǵan edi. Degenmen koronavirýs infektsiiasyna bailanysty Jańa Zelandiia klýby týrnirge kelýden bas tartty. Olarǵa tehnikalyq jeńilis jazyldy.
Al shirek finalda Mysyrda «Al-Ahli» klýby «Al Dýhail» komandasyn – 1:0, Meksikanyń «ÝANL Tigresi» Ońtústik Koreianyń «Ýlsan Hiondesin» 2:1 esebimen tize búktirdi.
Al jartylai finalda «ÝANL Tigres» Braziliianyń «Palmeirasyn» 1:0 esebimen orta jolda qaldyrsa, Germaniianyń «Bavariiasy» «Al-Ahlidi» 2:0 esebimen jeńdi.
Endi finalda 11 aqpanda «Bavariia» men «ÝANL Tigres» kezdesedi. Sol kúni úshinshi oryn úshin «Al-Ahli» men «Palmeiras» synǵa túsedi.
Atalǵan dop dodasy 2000 jyldan beri turaqty túrde ótkizilip keledi. Búgingi kúnge deiin 16 márte uiymdastyryldy. Chempiondyq ataqqa Ispaniianyń «Real Madrid» 4, «Barselona» 3, Braziliianyń «Korintians» 2, «Internasonal», «San-Paýlý», Angliianyń «Liverpýl», «Manchester Iýnaited», Italiianyń «Milan» «Inter» jáne Germaniianyń «Bavariia» komandalary ie boldy. 2019 jyly «Liverpýl» komandasy jeńimpaz atanǵan bolatyn. Ótken jyly dop dodasy koronavirýs infektsiiasyna bailanysty ótkizilmei qaldy.
