Búgin fýtboldan Qazaqstan kýbogynyń jartylai finaly aiasynda alǵashqy oiyn ótkizildi, dep habarlaidy QazAqparat.
Bul kezdesýde Qaraǵandynyń «Shahteri» men Qostanaidyń «Tobyly» jasyl alańǵa shyqty.
Oiyn barysynda qaraǵandylyq klýbtyń belsendiligi baiqalyp turdy. Nátijesinde olardyń qatarynan birinshi kezeńde Idris Ýmaev - 8, 45, David Atanaskoski 13-minýttarda mergendik tanytsa, oǵan 44-minýtta qostanailyq klýbtan Ashat Taǵybergen bir golmen jaýap qaiyrdy.
Ekinshi kezeńde «Shahter» sapynan David Mavýtor 48-minýtta kózdegen nysanadan múlt ketken joq. Al «Tobyl» fýtbolshysy Igor Sergeev 58-minýtta esep aiyrmasyn qysqartsa, 87-minýtta qaraǵandylyq Aidos Táttibaev qorytyndy esepti belgiledi.
Osylaisha «Shahter» qarsylasyn 5:2 esebimen tize búktirdi.
Bul kezdesýde el fýtbolynda tuńǵysh ret VAR júiesi qoldanyldy.
7 qarashada elordalyq «Astana» men Almatynyń «Qairaty» jarystyń atalǵan satysynda alǵashqy oiynyn ótkizedi.
Qarymta oiyndar 20 men 21 qarashaǵa belgilengen. Final 28 qarashada ótedi.
