Búgin, 9 cáýirde fýtboldan Premer-liga komandalary arasyndaǵy el birinshiliginiń tórtinshi týryndaǵy alǵashqy oiyn aiaqtaldy, dep habarlaidy "Ult aqparat".
Alǵashqy oiynda «Taraz» óz alańynda Qaraǵandynyń «Shahter» komandasyn qabyldady. Alań ieleri qarsylastar qaqpasyna jaýapsyz tórt gol soqty.
Aldymen Feit Fraider Obilor 29, 44-minýttarda mergendigimen kózge tústi. Al ekinshi kezeńniń 51-minýtynda «Taraz» sapynan Pedro Eýjenio taǵy bir gol soqsa, Nenad Adamovich 90-minýtta kezdesý núktesin qoidy. Osylaisha tarazdyqtar qarsylasyn 4:0 esebimen tize búktirdi.
Atalǵan jeńisinen keiin «Taraz» týrnir kestesinde on upaimen kósh basyna shyqty. Olardyń enshisinde eki jeńis, eki teń oiyn bar.
Atalǵan týrda dál qazir Oralda jergilikti «Aqjaiyq» pen Petropavldyń «Qyzyljary» sheberlik baiqasýda. Ázire esep 0:0.
Sondai-aq, búgin 18.00-de Qyzylordada «Qaisar» men Aqtaýdyń «Kaspiii» jasyl alańǵa shyǵady. Búgingi oiyndardy 19.00-de «Aqtóbe» men Shymkenttiń «Ordabasy» komandalary qorytyndylaidy.
Erteń 10 sáýirde Taldyqorǵanda jergilikti «Jetisý» men Qostanaidyń «Tobyl» klýbtary kezdesse, Almatyda «Qairat» pen Túrkistannyń «Turan» klýbtary oinaidy. Atalǵan týrdaǵy sońǵy oiyn 19.00-de elordada «Astana» men «Atyraý» arasynda bolady.
