بٷگٸن, 9 cەۋٸردە فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ تٶرتٸنشٸ تۋرىنداعى العاشقى ويىن اياقتالدى, دەپ حابارلايدى "ۇلت اقپارات".
العاشقى ويىندا «تاراز» ٶز الاڭىندا قاراعاندىنىڭ «شاحتەر» كومانداسىن قابىلدادى. الاڭ يەلەرٸ قارسىلاستار قاقپاسىنا جاۋاپسىز تٶرت گول سوقتى.
الدىمەن فەيت فرايدەر وبيلور 29, 44-مينۋتتاردا مەرگەندٸگٸمەن كٶزگە تٷستٸ. ال ەكٸنشٸ كەزەڭنٸڭ 51-مينۋتىندا «تاراز» ساپىنان پەدرو ەۋجەنيو تاعى بٸر گول سوقسا, نەناد اداموۆيچ 90-مينۋتتا كەزدەسۋ نٷكتەسٸن قويدى. وسىلايشا تارازدىقتار قارسىلاسىن 4:0 ەسەبٸمەن تٸزە بٷكتٸردٸ.
اتالعان جەڭٸسٸنەن كەيٸن «تاراز» تۋرنير كەستەسٸندە ون ۇپايمەن كٶش باسىنا شىقتى. ولاردىڭ ەنشٸسٸندە ەكٸ جەڭٸس, ەكٸ تەڭ ويىن بار.
اتالعان تۋردا دەل قازٸر ورالدا جەرگٸلٸكتٸ «اقجايىق» پەن پەتروپاۆلدىڭ «قىزىلجارى» شەبەرلٸك بايقاسۋدا. ەزٸرە ەسەپ 0:0.
سونداي-اق, بٷگٸن 18.00-دە قىزىلوردادا «قايسار» مەن اقتاۋدىڭ «كاسپييٸ» جاسىل الاڭعا شىعادى. بٷگٸنگٸ ويىنداردى 19.00-دە «اقتٶبە» مەن شىمكەنتتٸڭ «ورداباسى» كوماندالارى قورىتىندىلايدى.
ەرتەڭ 10 سەۋٸردە تالدىقورعاندا جەرگٸلٸكتٸ «جەتٸسۋ» مەن قوستانايدىڭ «توبىل» كلۋبتارى كەزدەسسە, الماتىدا «قايرات» پەن تٷركٸستاننىڭ «تۇران» كلۋبتارى وينايدى. اتالعان تۋرداعى سوڭعى ويىن 19.00-دە ەلوردادا «استانا» مەن «اتىراۋ» اراسىندا بولادى.
