Búgin fýtboldan Qazaqstan chempionaty tórtinshi týrynyń taǵy bir oiyny ótti, dep habarlaidy "Ult aqparat".
Atalǵan týrdaǵy tórtinshi oiynda Qaraǵandynyń «Shahter» jáne Qyzylordanyń «Qaisar» komandalary kezdesti. Ekeýi de týrnir kestesinde qatar keledi. Sondyqtan kezdesýdiń tartysty ótetini belgili edi.
Oiyn taǵdyryn qyzylordalyq klýb sapynan 57-minýtta Aleksandr Marochkin soqqan jalǵyz gol sheshti. Budan keiin eki komanda sapynan da esepti ózgertetin birneshe múmkindik boldy. Dese de tablodaǵy esep ózgergen joq.
Esterińizge sala ketelik, budan buryn úsh oiyn ótkizildi. Aqtaýdyń «Kaspiii» Almatynyń «Qairatynan» 0:3, Taldyqorǵannyń «Jetisýy» Shymkenttiń «Ordabasysynan» 2:3 esebimen jeńilse, Jambyl oblysynyń «Taraz» jáne Petropavldyń «Qyzyljar» komandalary 0:0 esebimen teń tarqasty.
Bul týrdaǵy Qostanaidyń «Tobyl» jáne elordalyq «Astana» klýbtarynyń kezdesýi keiinge qaldyryldy.
Endi besinshi týr 21 jáne 22 tamyz kúnderi ótedi. 21 tamyzda «Ordabasy» men «Kaspii», «Qairat» jáne «Tobyl», 22 tamyzda «Astana» men «Oqjetpes», «Qyzyljar» men «Shahter», «Qaisar» men «Jetisý» komandalary kezdesedi.
