بٷگٸن فۋتبولدان قازاقستان چەمپيوناتى تٶرتٸنشٸ تۋرىنىڭ تاعى بٸر ويىنى ٶتتٸ, دەپ حابارلايدى "ۇلت اقپارات".
اتالعان تۋرداعى تٶرتٸنشٸ ويىندا قاراعاندىنىڭ «شاحتەر» جەنە قىزىلوردانىڭ «قايسار» كوماندالارى كەزدەستٸ. ەكەۋٸ دە تۋرنير كەستەسٸندە قاتار كەلەدٸ. سوندىقتان كەزدەسۋدٸڭ تارتىستى ٶتەتٸنٸ بەلگٸلٸ ەدٸ.
ويىن تاعدىرىن قىزىلوردالىق كلۋب ساپىنان 57-مينۋتتا الەكساندر ماروچكين سوققان جالعىز گول شەشتٸ. بۇدان كەيٸن ەكٸ كوماندا ساپىنان دا ەسەپتٸ ٶزگەرتەتٸن بٸرنەشە مٷمكٸندٸك بولدى. دەسە دە تابلوداعى ەسەپ ٶزگەرگەن جوق.
ەستەرٸڭٸزگە سالا كەتەلٸك, بۇدان بۇرىن ٷش ويىن ٶتكٸزٸلدٸ. اقتاۋدىڭ «كاسپييٸ» الماتىنىڭ «قايراتىنان» 0:3, تالدىقورعاننىڭ «جەتٸسۋى» شىمكەنتتٸڭ «ورداباسىسىنان» 2:3 ەسەبٸمەن جەڭٸلسە, جامبىل وبلىسىنىڭ «تاراز» جەنە پەتروپاۆلدىڭ «قىزىلجار» كوماندالارى 0:0 ەسەبٸمەن تەڭ تارقاستى.
بۇل تۋرداعى قوستانايدىڭ «توبىل» جەنە ەلوردالىق «استانا» كلۋبتارىنىڭ كەزدەسۋٸ كەيٸنگە قالدىرىلدى.
ەندٸ بەسٸنشٸ تۋر 21 جەنە 22 تامىز كٷندەرٸ ٶتەدٸ. 21 تامىزدا «ورداباسى» مەن «كاسپيي», «قايرات» جەنە «توبىل», 22 تامىزدا «استانا» مەن «وقجەتپەس», «قىزىلجار» مەن «شاحتەر», «قايسار» مەن «جەتٸسۋ» كوماندالارى كەزدەسەدٸ.
