Búgin, 14 cáýirde fýtboldan Premer-liga komandalary arasyndaǵy el birinshiliginiń besinshi týry máresine jetti, dep habarlaidy "Ult aqparat".
Kezekti týr oiyndary 13 jáne 14 cáýir kúnderi ótkizildi. Aldymen 13 sáýirde óz alańynda Petropavldyń «Qyzyljary» «Aqtóbeden», Qaraǵandynyń «Shahteri» Oraldyń «Aqjaiyǵynan» 1:2 esebimen jeńildi.
Al búgin, 14 cáýirde syrt alańda elordalyq «Astana» Shymkenttiń «Ordabasy» klýbyn 4:1 esebimen tas-talqan etip jeńse, Almatynyń «Qairaty» Aqtaýda «Kaspiimen» 1:1 esebimen teń tústi.
Odan keiin Qostanaida «Tobyl» Qyzylordanyń «Qaisaryn» 1:0 esebimen tize búktirdi. Kezdesý taǵdyryn sheshken jalǵyz goldy 2-minýtta alań ieleri sapynan Toni Silva soqty.
Taǵy bir kezdesýde óz alańynda «Atyraý» Taldyqorǵannyń «Jetisýyn» qabyldady. Atalǵan kezdesýde taldyqorǵandyq klýbtan Baýyrjan Turysbek 37-minýtta gol soqsa, ol 68-minýtta penaltiden múlt ketken joq. Oǵan 76-minýtta alań ielerinen Petar Kýnich bir golmen jaýap qaiyrsa, 92-minýtta taldyqorǵandyq Ashat Baltabekov avttogol avtory atandy. Osylaisha qos komanda 2:2 esebine qanaǵat bildirip tarasty.
Besinshi týr oiyndaryn Túrkistanda ótken jergilikti «Turan» men «Taraz» komandalary túiindedi. Bul oiynda tarazdyq Pedro Eýjenio 78-minýtta gol soǵyp, kezdesý taǵdyryn sheshti. Osylaisha «Taraz» 1:0 esebimen jeńiske jetti.
Osylaisha besinshi týrdan keiin 11 upai jinaǵan «Astana», «Qairat», «Taraz» jáne «Tobyl» komandalary kósh basynda tur.
Aldaǵy altynshy týr oiyndary 19 sáýirde ótkiziledi. Bul kúni «Qaisar» men «Atyraý», «Astana» men «Qyzyljar», «Turan» men «Kaspii», «Jetisý» men «Ordabasy», «Taraz» ben «Aqjaiyq», «Qairat» pen «Tobyl» komandalary kezdesedi.
