بٷگٸن, 14 cەۋٸردە فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ بەسٸنشٸ تۋرى مەرەسٸنە جەتتٸ, دەپ حابارلايدى "ۇلت اقپارات".
كەزەكتٸ تۋر ويىندارى 13 جەنە 14 cەۋٸر كٷندەرٸ ٶتكٸزٸلدٸ. الدىمەن 13 سەۋٸردە ٶز الاڭىندا پەتروپاۆلدىڭ «قىزىلجارى» «اقتٶبەدەن», قاراعاندىنىڭ «شاحتەرٸ» ورالدىڭ «اقجايىعىنان» 1:2 ەسەبٸمەن جەڭٸلدٸ.
ال بٷگٸن, 14 cەۋٸردە سىرت الاڭدا ەلوردالىق «استانا» شىمكەنتتٸڭ «ورداباسى» كلۋبىن 4:1 ەسەبٸمەن تاس-تالقان ەتٸپ جەڭسە, الماتىنىڭ «قايراتى» اقتاۋدا «كاسپييمەن» 1:1 ەسەبٸمەن تەڭ تٷستٸ.
ودان كەيٸن قوستانايدا «توبىل» قىزىلوردانىڭ «قايسارىن» 1:0 ەسەبٸمەن تٸزە بٷكتٸردٸ. كەزدەسۋ تاعدىرىن شەشكەن جالعىز گولدى 2-مينۋتتا الاڭ يەلەرٸ ساپىنان توني سيلۆا سوقتى.
تاعى بٸر كەزدەسۋدە ٶز الاڭىندا «اتىراۋ» تالدىقورعاننىڭ «جەتٸسۋىن» قابىلدادى. اتالعان كەزدەسۋدە تالدىقورعاندىق كلۋبتان باۋىرجان تۇرىسبەك 37-مينۋتتا گول سوقسا, ول 68-مينۋتتا پەنالتيدەن مٷلت كەتكەن جوق. وعان 76-مينۋتتا الاڭ يەلەرٸنەن پەتار كۋنيچ بٸر گولمەن جاۋاپ قايىرسا, 92-مينۋتتا تالدىقورعاندىق اسحات بالتابەكوۆ اۆتتوگول اۆتورى اتاندى. وسىلايشا قوس كوماندا 2:2 ەسەبٸنە قاناعات بٸلدٸرٸپ تاراستى.
بەسٸنشٸ تۋر ويىندارىن تٷركٸستاندا ٶتكەن جەرگٸلٸكتٸ «تۇران» مەن «تاراز» كوماندالارى تٷيٸندەدٸ. بۇل ويىندا تارازدىق پەدرو ەۋجەنيو 78-مينۋتتا گول سوعىپ, كەزدەسۋ تاعدىرىن شەشتٸ. وسىلايشا «تاراز» 1:0 ەسەبٸمەن جەڭٸسكە جەتتٸ.
وسىلايشا بەسٸنشٸ تۋردان كەيٸن 11 ۇپاي جيناعان «استانا», «قايرات», «تاراز» جەنە «توبىل» كوماندالارى كٶش باسىندا تۇر.
الداعى التىنشى تۋر ويىندارى 19 سەۋٸردە ٶتكٸزٸلەدٸ. بۇل كٷنٸ «قايسار» مەن «اتىراۋ», «استانا» مەن «قىزىلجار», «تۇران» مەن «كاسپيي», «جەتٸسۋ» مەن «ورداباسى», «تاراز» بەن «اقجايىق», «قايرات» پەن «توبىل» كوماندالارى كەزدەسەدٸ.
