Fýtboldan barlyq deńgeidegi Qazaqstan birinshiliginiń qashan jalǵasatyny belgili boldy, - dep habarlandy Qazaqstan fýtbol federatsiiasynyń saitynda.
Bul sheshim Qazaqstan fýtbol federatsiiasy men Kásipqoi fýtbol ligasy basshylarynyń birikken jiynynda qabyldandy. Oǵan QFF bas hatshysy Azamat Aithojin, KFL prezidenti Oljas Abraev, departament jetekshileri qatysty.
Qazaqstanda kásipqoi jáne áýesqoi komandalary arasyndaǵy el birinshiligi, fýtbol, fýtzal jáne jaǵajai fýtbolynan kýbok týrnirleri elimizde tótenshe jaǵdai rejimi aiaqtalǵannan keiin qaitadan jalǵasatyn bolady.
El birinshiligin jalǵastyrýdyń eki nusqasy qarastyryldy. Negizgi nusqasy retinde birinshilikti eki ainalym boiynsha ótkizý oilastyryldy. Qosymsha nusqasy retinde biylǵy dop dodasyn «kúz-kóktem» júiesi boiynsha uiymdastyrý josparlanǵan. Qazaqstan kýbogy, birinshi jáne ekinshi ligada komandalary arasyndaǵy birinshilikterdi ótkizý osyndai nusqalar boiynsha júrgiziledi.
Esterińizge sala ketelik, fýtboldan Premer-liga komandalary arasyndaǵy el birinshiligin ótkizý eki týrdan keiin belgisiz merzimge keiin shegerilgen bolatyn.
