Búgin fýtboldan Premer-liga komandalary arasyndaǵy el birinshiliginiń toǵyzynshy týry bastalady, dep habarlaidy "Ult aqparat".
Oiyndar 2 jáne 3 mamyr kúnderine belgilengen. Alǵashqy kúni úsh jup kezdesse, ekinshi kúninde tórt match ótedi.
Atalǵan týrdyń shymyldyǵy 2 mamyrda elorda ýaqytymen 17.00- de «Aqtóbe» men «Astana» (Nur-Sultan) komandalary kezdesýimen ashylady. Odan keiin 18.00-de «Atyraý» men «Kaspii» (Aqtaý), 19.00-de «Tobyl» (Qostanai) men «Taraz» oiyndarymen jalǵasady.
Al 3 mamyrda 16.00 «Qyzyljar» (Petropavl) men «Qairat» (Almaty) kezdesse, 18.00-de «Ordabasy» (Shymkent) men «Turan» (Túrkistan), «Aqjaiyq» (Oral) pen «Jetisý» (Taldyqorǵan) komandalary sheberlik baiqasady. Atalǵan týrdy 20.00-de «Shahter» (Qaraǵandy) men «Qaisar» (Qyzylorda) kezdesýi túiindeidi.
Esterińizge sala ketelik, segiz týrdan keiin «Astana» 20 upaimen kósh bastasa, odan keiingi oryndardaǵy «Tarazdyń» 17, «Qairattyń» 15 upaiy bar.
