بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ توعىزىنشى تۋرى باستالادى, دەپ حابارلايدى "ۇلت اقپارات".
ويىندار 2 جەنە 3 مامىر كٷندەرٸنە بەلگٸلەنگەن. العاشقى كٷنٸ ٷش جۇپ كەزدەسسە, ەكٸنشٸ كٷنٸندە تٶرت ماتچ ٶتەدٸ.
اتالعان تۋردىڭ شىمىلدىعى 2 مامىردا ەلوردا ۋاقىتىمەن 17.00- دە «اقتٶبە» مەن «استانا» (نۇر-سۇلتان) كوماندالارى كەزدەسۋٸمەن اشىلادى. ودان كەيٸن 18.00-دە «اتىراۋ» مەن «كاسپيي» (اقتاۋ), 19.00-دە «توبىل» (قوستاناي) مەن «تاراز» ويىندارىمەن جالعاسادى.
ال 3 مامىردا 16.00 «قىزىلجار» (پەتروپاۆل) مەن «قايرات» (الماتى) كەزدەسسە, 18.00-دە «ورداباسى» (شىمكەنت) مەن «تۇران» (تٷركٸستان), «اقجايىق» (ورال) پەن «جەتٸسۋ» (تالدىقورعان) كوماندالارى شەبەرلٸك بايقاسادى. اتالعان تۋردى 20.00-دە «شاحتەر» (قاراعاندى) مەن «قايسار» (قىزىلوردا) كەزدەسۋٸ تٷيٸندەيدٸ.
ەستەرٸڭٸزگە سالا كەتەلٸك, سەگٸز تۋردان كەيٸن «استانا» 20 ۇپايمەن كٶش باستاسا, ودان كەيٸنگٸ ورىندارداعى «تارازدىڭ» 17, «قايراتتىڭ» 15 ۇپايى بار.
