Fýtboldan 2020 jylǵy Eýropa chempionatynyń finaldyq kezeńi aiasyndaǵy Daniia men Finliandiia quramalary arasyndaǵy kezdesý aiaqtaldy, dep habarlaidy "Ult aqparat".
Eske salsaq, eki qurama V tobynda synǵa túsedi. Atalǵan topta olardan bólek, Resei men Belgiia quramalary bar.
Qos qurama arasyndaǵy tartys Daniia astanasy Kopengagen qalasyndaǵy «Parken» stadionynda ótti.
Atalǵan kezdesýdiń 42-minýtynda daniialyq fýtbolshy Kristian Eriksen oiyn ústinde esinen tanyp qalyp, match ýaqytsha toqtatylǵan bolatyn.
Eriksenge dárigerler jasyl alań ústinde alǵashqy meditsinalyq kómek kórsetti. Keiin ony arnaiy tehnikamen stadion ishine alyp ketti. Dárigerlerdiń aitýynsha, ol jergilikti aýrýhanaǵa jetkizilip, jaǵdaiy qalypqa túsken.
Oiyn birshama ýaqyttan soń qaita jalǵasty.
Kezdesýdiń 59-minýtynda finliandiialyq Ioel Pohianpalo áýelep kelgen dopty baspen qaqpaǵa uryp, óziniń quramasyn alǵa shyǵardy. Al 74-minýtta daniialyq Per-Emil Hioiberg penaltiden múlt ketti.
Osylaisha Finliandiia qurlyqtyq dodanyń finaldyq kezeńindegi tusaýkeser kezdesýinde jeńiske jetip otyr. Atalǵan qurama jarystyń osy satysyna óz tarihynda tuńǵysh ret joldama alǵan.
Dál qazir atalǵan topta Belgiia men Resei quramalary arasyndaǵy kezdesýdiń birinshi kezeńi ótip jatyr. Belgiialyq fýtbolshylar qarsylastarynan 1:0 esebimen basym túsýde.
Bul toptaǵy kelesi kezdesý 16 jáne 17 maýsym kúnderi ótkiziledi. Aldymen 16 maýsym Finliandiia men Resei jasyl alańǵa shyqsa, 17 maýsymda Daniia men Belgiia kúsh baiqasady.
