فۋتبولدان 2020 جىلعى ەۋروپا چەمپيوناتىنىڭ فينالدىق كەزەڭٸ اياسىنداعى دانييا مەن فينلياندييا قۇرامالارى اراسىنداعى كەزدەسۋ اياقتالدى, دەپ حابارلايدى "ۇلت اقپارات".
ەسكە سالساق, ەكٸ قۇراما ۆ توبىندا سىنعا تٷسەدٸ. اتالعان توپتا ولاردان بٶلەك, رەسەي مەن بەلگييا قۇرامالارى بار.
قوس قۇراما اراسىنداعى تارتىس دانييا استاناسى كوپەنگاگەن قالاسىنداعى «پاركەن» ستاديونىندا ٶتتٸ.
اتالعان كەزدەسۋدٸڭ 42-مينۋتىندا دانييالىق فۋتبولشى كريستيان ەريكسەن ويىن ٷستٸندە ەسٸنەن تانىپ قالىپ, ماتچ ۋاقىتشا توقتاتىلعان بولاتىن.
ەريكسەنگە دەرٸگەرلەر جاسىل الاڭ ٷستٸندە العاشقى مەديتسينالىق كٶمەك كٶرسەتتٸ. كەيٸن ونى ارنايى تەحنيكامەن ستاديون ٸشٸنە الىپ كەتتٸ. دەرٸگەرلەردٸڭ ايتۋىنشا, ول جەرگٸلٸكتٸ اۋرۋحاناعا جەتكٸزٸلٸپ, جاعدايى قالىپقا تٷسكەن.
ويىن بٸرشاما ۋاقىتتان سوڭ قايتا جالعاستى.
كەزدەسۋدٸڭ 59-مينۋتىندا فينلياندييالىق يوەل پوحيانپالو ەۋەلەپ كەلگەن دوپتى باسپەن قاقپاعا ۇرىپ, ٶزٸنٸڭ قۇراماسىن العا شىعاردى. ال 74-مينۋتتا دانييالىق پەر-ەميل حيويبەرگ پەنالتيدەن مٷلت كەتتٸ.
وسىلايشا فينلياندييا قۇرلىقتىق دودانىڭ فينالدىق كەزەڭٸندەگٸ تۇساۋكەسەر كەزدەسۋٸندە جەڭٸسكە جەتٸپ وتىر. اتالعان قۇراما جارىستىڭ وسى ساتىسىنا ٶز تاريحىندا تۇڭعىش رەت جولداما العان.
دەل قازٸر اتالعان توپتا بەلگييا مەن رەسەي قۇرامالارى اراسىنداعى كەزدەسۋدٸڭ بٸرٸنشٸ كەزەڭٸ ٶتٸپ جاتىر. بەلگييالىق فۋتبولشىلار قارسىلاستارىنان 1:0 ەسەبٸمەن باسىم تٷسۋدە.
بۇل توپتاعى كەلەسٸ كەزدەسۋ 16 جەنە 17 ماۋسىم كٷندەرٸ ٶتكٸزٸلەدٸ. الدىمەن 16 ماۋسىم فينلياندييا مەن رەسەي جاسىل الاڭعا شىقسا, 17 ماۋسىمدا دانييا مەن بەلگييا كٷش بايقاسادى.
