Búgin, 16 naýryzda UEFA Chempiondar ligasy 1/8 finalynda qarymta oiyndar bastalady, dep habarlaidy "Ult aqparat".
Alǵashqy jupta «Manchester Siti» (Angliia) pen «Borýssiia Menhengladbah» (Germaniia) komandalary kezdesedi. Alǵashqy kezdesýde aǵylshyndyq klýb qarsylasynan 2:0 esebimen basym tústi.
Oiyn elorda ýaqytymen 01.50-de bastalyp, «Qazaqstan» telearnasynan tikelei efirde kórsetiledi.
Komandalar quramynda jaraqat alǵan oiynshylar bar. «Manchester Siti» sapynan shabýylshy Serhio Agýero, qorǵaýshylar - Natan Ake men Anhelino jasyl alańǵa shyǵýdan tys qaldy.
Al «Borýssiia Menhengladbah» quramynan jartylai qorǵaýshylar - Kristof Kramer, Famana Kizera, shabýylshy Hýlio Vilialba, qorǵaýshylar - Mamadý Dýkýre, Rami Bensebaini dál osyndai jaǵdaidy basynan ótkizip otyr.
Eki komanda buǵan deiin atalǵan týrnirde bes márte kezdesti. Onyń tórteýinde «Manchester Siti» klýbynyń mereii ústem bolsa, bireýinde teń nátije tirkeldi.
Taǵy bir oiyn «Real Madrid» (Ispaniia) pen «Atalanta» (Italiia) komandalary arasynda ótedi.
Eki komanda arasyndaǵy alǵashqy oiynda ispandyqtar 1:0 esebimen basym tústi.
Oiyn elorda ýaqytymen 01.50-de bastalyp, «Qazsport» telearnasynan tikelei efirde kórsetiledi.
Kezdesý aldynda «Real Madrid» sapynan tórt fýtbolshynyń aldaǵy oiynǵa qatysýdan tys qalǵandyǵy belgili boldy.
Atap aitqanda, olardyń qatarynda Marselo, Alvaro Odriosola, Daniel Karvahal, Mariano Dias syndy fýtbolshylar bar.
Eki komanda atalǵan týrnirde biyl tuńǵysh ret kezdesti.
Esterińizge sala ketelik, týrnirdiń shirek finalyna «Liverpýl» (Angliia), «Pari Sen-Jermen» (Frantsiia), «Borýssiia Dortmýnd» (Germaniia) jáne «Portý» (Portýgaliia) komandalary joldama aldy.
