بٷگٸن, 16 ناۋرىزدا UEFA چەمپيوندار ليگاسى 1/8 فينالىندا قارىمتا ويىندار باستالادى, دەپ حابارلايدى "ۇلت اقپارات".
العاشقى جۇپتا «مانچەستەر سيتي» (انگلييا) پەن «بورۋسسييا مەنحەنگلادباح» (گەرمانييا) كوماندالارى كەزدەسەدٸ. العاشقى كەزدەسۋدە اعىلشىندىق كلۋب قارسىلاسىنان 2:0 ەسەبٸمەن باسىم تٷستٸ.
ويىن ەلوردا ۋاقىتىمەن 01.50-دە باستالىپ, «Qazaqstan» تەلەارناسىنان تٸكەلەي ەفيردە كٶرسەتٸلەدٸ.
كوماندالار قۇرامىندا جاراقات العان ويىنشىلار بار. «مانچەستەر سيتي» ساپىنان شابۋىلشى سەرحيو اگۋەرو, قورعاۋشىلار - ناتان اكە مەن انحەلينو جاسىل الاڭعا شىعۋدان تىس قالدى.
ال «بورۋسسييا مەنحەنگلادباح» قۇرامىنان جارتىلاي قورعاۋشىلار - كريستوف كرامەر, فامانا كيزەرا, شابۋىلشى حۋليو ۆيليالبا, قورعاۋشىلار - مامادۋ دۋكۋرە, رامي بەنسەبايني دەل وسىنداي جاعدايدى باسىنان ٶتكٸزٸپ وتىر.
ەكٸ كوماندا بۇعان دەيٸن اتالعان تۋرنيردە بەس مەرتە كەزدەستٸ. ونىڭ تٶرتەۋٸندە «مانچەستەر سيتي» كلۋبىنىڭ مەرەيٸ ٷستەم بولسا, بٸرەۋٸندە تەڭ نەتيجە تٸركەلدٸ.
تاعى بٸر ويىن «رەال مادريد» (يسپانييا) پەن «اتالانتا» (يتالييا) كوماندالارى اراسىندا ٶتەدٸ.
ەكٸ كوماندا اراسىنداعى العاشقى ويىندا يسپاندىقتار 1:0 ەسەبٸمەن باسىم تٷستٸ.
ويىن ەلوردا ۋاقىتىمەن 01.50-دە باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.
كەزدەسۋ الدىندا «رەال مادريد» ساپىنان تٶرت فۋتبولشىنىڭ الداعى ويىنعا قاتىسۋدان تىس قالعاندىعى بەلگٸلٸ بولدى.
اتاپ ايتقاندا, ولاردىڭ قاتارىندا مارسەلو, الۆارو ودريوسولا, دانيەل كارۆاحال, ماريانو دياس سىندى فۋتبولشىلار بار.
ەكٸ كوماندا اتالعان تۋرنيردە بيىل تۇڭعىش رەت كەزدەستٸ.
ەستەرٸڭٸزگە سالا كەتەلٸك, تۋرنيردٸڭ شيرەك فينالىنا «ليۆەرپۋل» (انگلييا), «پاري سەن-جەرمەن» (فرانتسييا), «بورۋسسييا دورتمۋند» (گەرمانييا) جەنە «پورتۋ» (پورتۋگالييا) كوماندالارى جولداما الدى.
