Fýtboldan 2022 jylǵy álem chempionatyna irikteý satysynda cyrt alańda ótken Ýkraina jáne Qazaqstan quramalary arasyndaǵy kezdesý aiaqtaldy, dep habarlaidy "Ult aqparat".
Búgingi oiyndy ýkrain fýtbolshylary qarqyndy bastady. Alǵashqy minýttan shabýylǵa shyǵý jolyn izdedi. Dese de, oǵan qazaqstandyq qorǵaýshylar laiyqty qarsylyq kórsetti. Birneshe qaýipti sátterde saýatty qorǵana bildi.
Oiynnyń 20-minýtynda ýkraindyq Roman Iaremchýk óziniń múmkindigin tolyq paidalanyp ketti. Osylaisha alań ieleri alǵa shyqty.
Ekinshi kezeńde eki qurama da birden alǵa umtyldy. Ýkraindyq fýtbolshylar esepti ulǵaitýdy kózdese, qazaqstandyqtar tarazy basyn teńestirýdi maqsat tutty. Osyndai sátterdiń birinde 59-minýtta Serikjan Mýjikov kózdegen nysanadan múlt ketken joq.
Kezdesý 1:1 esebimen teń aiaqtaldy. Osylaisha Qazaqstan quramasy irikteý satysyndaǵy alǵashqy upaiyna qol jetkizdi.
Atalǵan topta Frantsiia syrt alańda Bosniia jáne Gertsogovinadan 1:0 esebimen basym tústi.
Aita keteiik, qazaqstandyq qurama irikteý satysynda D tobynda synǵa túsedi. Qarsylastary - Frantsiia, Ýkraina, Bosniia jáne Gertsogovina, Finliandiia.
Endi atalǵan toptaǵy oiyndar 1 qyrkúiekte ótkiziledi. Bul kúni óz alańynda Qazaqstan Ýkrainany qabyldasa, Bosniia jáne Gertsogovina Frantsiiamen sheberlik baiqasady.
