فۋتبولدان 2022 جىلعى ەلەم چەمپيوناتىنا ٸرٸكتەۋ ساتىسىندا cىرت الاڭدا ٶتكەن ۋكراينا جەنە قازاقستان قۇرامالارى اراسىنداعى كەزدەسۋ اياقتالدى, دەپ حابارلايدى "ۇلت اقپارات".
بٷگٸنگٸ ويىندى ۋكراين فۋتبولشىلارى قارقىندى باستادى. العاشقى مينۋتتان شابۋىلعا شىعۋ جولىن ٸزدەدٸ. دەسە دە, وعان قازاقستاندىق قورعاۋشىلار لايىقتى قارسىلىق كٶرسەتتٸ. بٸرنەشە قاۋٸپتٸ سەتتەردە ساۋاتتى قورعانا بٸلدٸ.
ويىننىڭ 20-مينۋتىندا ۋكرايندىق رومان يارەمچۋك ٶزٸنٸڭ مٷمكٸندٸگٸن تولىق پايدالانىپ كەتتٸ. وسىلايشا الاڭ يەلەرٸ العا شىقتى.
ەكٸنشٸ كەزەڭدە ەكٸ قۇراما دا بٸردەن العا ۇمتىلدى. ۋكرايندىق فۋتبولشىلار ەسەپتٸ ۇلعايتۋدى كٶزدەسە, قازاقستاندىقتار تارازى باسىن تەڭەستٸرۋدٸ ماقسات تۇتتى. وسىنداي سەتتەردٸڭ بٸرٸندە 59-مينۋتتا سەرٸكجان مۋجيكوۆ كٶزدەگەن نىسانادان مٷلت كەتكەن جوق.
كەزدەسۋ 1:1 ەسەبٸمەن تەڭ اياقتالدى. وسىلايشا قازاقستان قۇراماسى ٸرٸكتەۋ ساتىسىنداعى العاشقى ۇپايىنا قول جەتكٸزدٸ.
اتالعان توپتا فرانتسييا سىرت الاڭدا بوسنييا جەنە گەرتسوگوۆينادان 1:0 ەسەبٸمەن باسىم تٷستٸ.
ايتا كەتەيٸك, قازاقستاندىق قۇراما ٸرٸكتەۋ ساتىسىندا D توبىندا سىنعا تٷسەدٸ. قارسىلاستارى - فرانتسييا, ۋكراينا, بوسنييا جەنە گەرتسوگوۆينا, فينلياندييا.
ەندٸ اتالعان توپتاعى ويىندار 1 قىركٷيەكتە ٶتكٸزٸلەدٸ. بۇل كٷنٸ ٶز الاڭىندا قازاقستان ۋكراينانى قابىلداسا, بوسنييا جەنە گەرتسوگوۆينا فرانتسييامەن شەبەرلٸك بايقاسادى.
