Fýtboldan 2022 jylǵy álem chempionatyna qatysty janjal shyqty, - dep habarlaidy Tengrinews.kz agenttigi R-Sport portalyna silteme jasap.
Amnesty International quqyq qorǵaý uiymy Halyqaralyq fýtbol federatsiiasynyń (FIFA) prezidenti Djanni Infantinoǵa Katardaǵy álem chempionaty nysandaryn salýmen ainalysatyn jumysshylardyń eńbek sharty buzylǵany úshin ótemaqy tóleýdi talap etetin hat joldady.
Ótemaqy mólsheri kem degende 440 million dollar bolýy múmkin. Al álem chempionatynyń qurylysyna 30 myńǵa deiin jumysshy tartylǵany aityldy. Sáýirde álem chempionatyn uiymdastyrýshylar týrnirge daiyndyqqa tartylǵan 3 kompaniiada eńbek jaǵdailary buzylǵanyn moiyndaǵan bolatyn.
"Barlyq jumysshy ótemaqy alǵansha bul týrnirdiń ótkizilýin toilaýǵa bolmaidy", - delingen uiymnyń habarlamasynda.
Katardaǵy álem chempionaty 2022 jyly 21 qarashadan 18 jeltoqsanǵa deiin ótedi.
