فۋتبولدان 2022 جىلعى ەلەم چەمپيوناتىنا قاتىستى جانجال شىقتى, - دەپ حابارلايدى Tengrinews.kz اگەنتتٸگٸ ر-سپورت پورتالىنا سٸلتەمە جاساپ.
Amnesty International قۇقىق قورعاۋ ۇيىمى حالىقارالىق فۋتبول فەدەراتسيياسىنىڭ (فيفا) پرەزيدەنتٸ دجانني ينفانتينوعا كاتارداعى ەلەم چەمپيوناتى نىساندارىن سالۋمەن اينالىساتىن جۇمىسشىلاردىڭ ەڭبەك شارتى بۇزىلعانى ٷشٸن ٶتەماقى تٶلەۋدٸ تالاپ ەتەتٸن حات جولدادى.
ٶتەماقى مٶلشەرٸ كەم دەگەندە 440 ميلليون دوللار بولۋى مٷمكٸن. ال ەلەم چەمپيوناتىنىڭ قۇرىلىسىنا 30 مىڭعا دەيٸن جۇمىسشى تارتىلعانى ايتىلدى. سەۋٸردە ەلەم چەمپيوناتىن ۇيىمداستىرۋشىلار تۋرنيرگە دايىندىققا تارتىلعان 3 كومپانييادا ەڭبەك جاعدايلارى بۇزىلعانىن مويىنداعان بولاتىن.
"بارلىق جۇمىسشى ٶتەماقى العانشا بۇل تۋرنيردٸڭ ٶتكٸزٸلۋٸن تويلاۋعا بولمايدى", - دەلٸنگەن ۇيىمنىڭ حابارلاماسىندا.
كاتارداعى ەلەم چەمپيوناتى 2022 جىلى 21 قاراشادان 18 جەلتوقسانعا دەيٸن ٶتەدٸ.
