Foto: Ult.kz kollaj
Moizes Kaisedo
Foto:Chelseablues.ru
«Chelsi» «Liverpýlmen» talasta jeńip shyǵyp, Moizes Kaisedony 115 million fýnt sterlingke satyp aldy. Bul transfer APL tarihyndaǵy eń qymbat transferge ainaldy. Ekvadorlyq fýtbolshy «aristokrattar» sapyndaǵy alǵashqy oiynyn «Vest Hemge» qarsy ótkizdi. Oiyn barysynda ol kóptegen qatelikter jiberip, komandasynyń jeńilisine sebep bolǵan penaltige jol berdi. Biraq maýsym barysynda ol óziniń deńgeiin qalpyna keltirip, 2024/25 maýsymynda Premer-liganyń eń úzdik jartylai qorǵaýshylarynyń birine ainaldy.
Tiago Silva
Foto:m.stadion.uz
Tiago Silva «Chelsidiń» qazirdegi eń úzdik oiynshylarynyń biri. Alaida onyń aǵylshyn fýtbolyndaǵy alǵashqy oiyny sátsiz ótken. «Vest Bromvichke» qarsy debiýttik matchtyń birinshi taimynda komandasy eki gol jiberip aldy. Fýtbolshy qorǵanys shebindegi eń nashar oiynshy retinde baǵalandy. Biraq ekinshi taimda Maýnt, Hadson-Odoi jáne Temmi Abrahamnyń goldarynyń arqasynda «Chelsi» jeńiske jetip, Silvanyń sátsiz oiyny umytyldy.
Lionel Messi
Foto:yahoo.com
Eń úzdik fýtbolshylardyń biri sanalatyn Lionel Messidiń de Argentina quramasyndaǵy debiýttik oiyny sátsiz ótken. Vengriiaǵa qarsy joldastyq kezdesýde ol 63-minýtta alańǵa shyǵyp, vengriialyq qorǵaýshy Vilmosh Vanchakqa qarsy dórekilik kórsetkeni úshin qyzyl qaǵazben jazalanyp, alańnan shyǵarylǵan. Kózine jas alǵan Messi kiim aýystyrý bólmesine ketip qalǵan. Alaida onyń keiingi mansabynyń qalai órbigenin búkil fýtbol jankúierleri men mamandary jaqsy biledi.
Abdýqodir Hýsanov
Foto:ligas.ru
«Lans» sapyndaǵy bir maýsymda-aq úlken tanymaldylyqqa ie bolǵan ózbekstandyq fýtbolshy Abdýqodir Hýsanov qysqy transferlik terezede birneshe iri klýbtardyń nazaryna ilikti. Onyń ainalasynda shý kóterilip, biraz basylymdar fýtbolshy týraly jarysa jaza bastady. Onyń “Manchester Siti” komandasy sapyna ótetini de jelide qyzý talqylandy. Aqyrynda ol «Manchester Siti» oiynshysy atandy. Ortalyq qorǵaýshy 26 qańtarǵa qaraǵan túni APL aiasynda «Chelsige» qarsy matchta negizgi quramnan oryn aldy. Alaida oiynnyń 2-minýtynda Hýsanov Edersonǵa pas berý kezinde qatelik jiberip, bul qatelik golǵa sebep boldy. Eki minýttan keiin ol Palmerge qarsy ereje buzǵany úshin sary qaǵaz aldy. Ekinshi taimnyń 52-minýtynda ony Stoýnz almastyrdy. Alańnan shyqqan Hýsanovty jankúierler qatty qoshemettei qoimady. Oiyn “Manchester Siti”diń jeńisimen aiaqtaldy. Baspasóz betterinde Hýsanovtyń qobaljýly ekeni aitylyp jatty.
Degenmen fýtbolshynyń beiimdelýine ýaqyt bar, ol bul jaǵdaidan tez shyǵyp ketedi. Bapker Gvardiola da ol týraly jyly pikir bildirdi:
«Men Abdýqodirdi qatelikteri úshin almastyrǵan joqpyn. Ol myqty oiynshy, men oǵan senemin. Tek onyń sary qaǵazy bolǵandyqtan, ony Stoýnzǵa almastyrdym», – dedi Gvardiola.
Bekbolat Muhtar
