فوتو: Ult.kz كوللاج
مويزەس كايسەدو
فوتو:Chelseablues.ru
«چەلسي» «ليۆەرپۋلمەن» تالاستا جەڭٸپ شىعىپ, مويزەس كايسەدونى 115 ميلليون فۋنت ستەرلينگكە ساتىپ الدى. بۇل ترانسفەر اپل تاريحىنداعى ەڭ قىمبات ترانسفەرگە اينالدى. ەكۆادورلىق فۋتبولشى «اريستوكراتتار» ساپىنداعى العاشقى ويىنىن «ۆەست حەمگە» قارسى ٶتكٸزدٸ. ويىن بارىسىندا ول كٶپتەگەن قاتەلٸكتەر جٸبەرٸپ, كومانداسىنىڭ جەڭٸلٸسٸنە سەبەپ بولعان پەنالتيگە جول بەردٸ. بٸراق ماۋسىم بارىسىندا ول ٶزٸنٸڭ دەڭگەيٸن قالپىنا كەلتٸرٸپ, 2024/25 ماۋسىمىندا پرەمەر-ليگانىڭ ەڭ ٷزدٸك جارتىلاي قورعاۋشىلارىنىڭ بٸرٸنە اينالدى.
تياگو سيلۆا
فوتو:m.stadion.uz
تياگو سيلۆا «چەلسيدٸڭ» قازٸردەگٸ ەڭ ٷزدٸك ويىنشىلارىنىڭ بٸرٸ. الايدا ونىڭ اعىلشىن فۋتبولىنداعى العاشقى ويىنى سەتسٸز ٶتكەن. «ۆەست برومۆيچكە» قارسى دەبيۋتتٸك ماتچتىڭ بٸرٸنشٸ تايمىندا كومانداسى ەكٸ گول جٸبەرٸپ الدى. فۋتبولشى قورعانىس شەبٸندەگٸ ەڭ ناشار ويىنشى رەتٸندە باعالاندى. بٸراق ەكٸنشٸ تايمدا ماۋنت, حادسون-ودوي جەنە تەممي ابراحامنىڭ گولدارىنىڭ ارقاسىندا «چەلسي» جەڭٸسكە جەتٸپ, سيلۆانىڭ سەتسٸز ويىنى ۇمىتىلدى.
ليونەل مەسسي
فوتو:yahoo.com
ەڭ ٷزدٸك فۋتبولشىلاردىڭ بٸرٸ سانالاتىن ليونەل مەسسيدٸڭ دە ارگەنتينا قۇراماسىنداعى دەبيۋتتٸك ويىنى سەتسٸز ٶتكەن. ۆەنگريياعا قارسى جولداستىق كەزدەسۋدە ول 63-مينۋتتا الاڭعا شىعىپ, ۆەنگرييالىق قورعاۋشى ۆيلموش ۆانچاكقا قارسى دٶرەكٸلٸك كٶرسەتكەنٸ ٷشٸن قىزىل قاعازبەن جازالانىپ, الاڭنان شىعارىلعان. كٶزٸنە جاس العان مەسسي كيٸم اۋىستىرۋ بٶلمەسٸنە كەتٸپ قالعان. الايدا ونىڭ كەيٸنگٸ مانسابىنىڭ قالاي ٶربٸگەنٸن بٷكٸل فۋتبول جانكٷيەرلەرٸ مەن ماماندارى جاقسى بٸلەدٸ.
ابدۋقودير حۋسانوۆ
فوتو:ligas.ru
«لانس» ساپىنداعى بٸر ماۋسىمدا-اق ٷلكەن تانىمالدىلىققا يە بولعان ٶزبەكستاندىق فۋتبولشى ابدۋقودير حۋسانوۆ قىسقى ترانسفەرلٸك تەرەزەدە بٸرنەشە ٸرٸ كلۋبتاردىڭ نازارىنا ٸلٸكتٸ. ونىڭ اينالاسىندا شۋ كٶتەرٸلٸپ, بٸراز باسىلىمدار فۋتبولشى تۋرالى جارىسا جازا باستادى. ونىڭ “مانچەستەر سيتي” كومانداسى ساپىنا ٶتەتٸنٸ دە جەلٸدە قىزۋ تالقىلاندى. اقىرىندا ول «مانچەستەر سيتي» ويىنشىسى اتاندى. ورتالىق قورعاۋشى 26 قاڭتارعا قاراعان تٷنٸ اپل اياسىندا «چەلسيگە» قارسى ماتچتا نەگٸزگٸ قۇرامنان ورىن الدى. الايدا ويىننىڭ 2-مينۋتىندا حۋسانوۆ ەدەرسونعا پاس بەرۋ كەزٸندە قاتەلٸك جٸبەرٸپ, بۇل قاتەلٸك گولعا سەبەپ بولدى. ەكٸ مينۋتتان كەيٸن ول پالمەرگە قارسى ەرەجە بۇزعانى ٷشٸن سارى قاعاز الدى. ەكٸنشٸ تايمنىڭ 52-مينۋتىندا ونى ستوۋنز الماستىردى. الاڭنان شىققان حۋسانوۆتى جانكٷيەرلەر قاتتى قوشەمەتتەي قويمادى. ويىن “مانچەستەر سيتي”دٸڭ جەڭٸسٸمەن اياقتالدى. باسپاسٶز بەتتەرٸندە حۋسانوۆتىڭ قوبالجۋلى ەكەنٸ ايتىلىپ جاتتى.
دەگەنمەن فۋتبولشىنىڭ بەيٸمدەلۋٸنە ۋاقىت بار, ول بۇل جاعدايدان تەز شىعىپ كەتەدٸ. باپكەر گۆارديولا دا ول تۋرالى جىلى پٸكٸر بٸلدٸردٸ:
«مەن ابدۋقوديردٸ قاتەلٸكتەرٸ ٷشٸن الماستىرعان جوقپىن. ول مىقتى ويىنشى, مەن وعان سەنەمٸن. تەك ونىڭ سارى قاعازى بولعاندىقتان, ونى ستوۋنزعا الماستىردىم», – دەدٸ گۆارديولا.
بەكبولات مۇحتار
