Fýtboldan Qazaqstan chempionatynyń ekinshi týrynda taldyqorǵandyq «Jetisý» Almatydaǵy «Jas qyran» stadionynda Túrkistannyń «Turan» komandasyn qabyldady, dep habarlaidy "Ult aqparat".
Taldyqorǵandyqtar ótken jylǵy birinshilikte úzdik altylyqty túiindese, túrkistandyqtar premer-ligaǵa biyl qosylǵan edi.
Birinshi týrda «Jetisý» el chempiony «Qairatqa» 0:2 esebimen ese jiberse, «Turan» óz alańynda «Astanamen» teń túsken-di – 2:2.
Bul joly alań ieleri oiyn tizginin birden qolǵa alyp, 4-minýtta buryshtamadan berilgen doptan keiin estoniialyq jartylai qorǵaýshy Artem Dmitriev esep ashty.
Jaqsy oiyn órnegin kórsetken «Jetisý» fýtbolshylarynyń budan keiin de gol soǵatyndai múmkindikteri boldy. Aqyry 69-minýtta Aslan Ádil mergendik tanytsa, jeti minýttan keiin Ashat Baltabekov esepti 3:0-ge jetkizdi.
Budan soń túrkistandyqtar qanshama tyrysqanymen, eshteńe ózgergen joq. «Jetisý» iri eseppen jeńiske jetti.
Búgin ekinshi týrda sondai-aq «Aqjaiyq» - «Atyraý», «Shahter» - «Ordabasy», «Aqtóbe» - «Tobyl» matchtary ótedi.
