Fýtboldan 2020 jylǵy Ulttar ligasy jerebesinde Qazaqstan quramasy tórtinshi sebette ornalasatyn boldy, dep habarlaidy "Ult aqparat" UEFA-nyń resmi saityna silteme jasap.
Esterińizge sala ketelik, atalmysh týrnirde qazaqstandyq qurama S divizionynda synǵa túsedi. Bul sebette Armeniia, Ázerbaijan jáne Moldova quramalary bar. Al birinshi sebette Grekiia, Albaniia, Chernogoriia, Grýziia, ekinshisinde Soltústik Makedoniia, Kosovo, Belarýs, Kipr, úshinshisinde Estoniia, Sloveniia, Litva, Liýksembýrg quramalary ornalasqan.
Ulttar ligasy 2018 jyldan bastap ótkizilip keledi. Bul joly qazaqstandyq qurama D divizionynda birinshi topta Grýziia, Latviia, Andorra quramalarymen sheberlik baiqasty. Nátijesinde Grýziia jeńimpaz atandy. Qazaqstan alty upaimen ekinshi oryn aldy.
2020/2021 jylǵy Ulttar ligasy jerebesi 2020 jyldyń 3 naýryzynda Gollandiia astanasy - Amsterdam qalasynda tartylady. Irikteý kezeńi oiyndary sol jyldyń 3 qyrkúiegi jáne 17 qarashasy aralyǵynda ótedi. Atalmysh týrnirdiń finaldyq satysy 2021 jyldyń 31 mamyry men 8 maýsym aralyǵyna josparlanǵan.
