Túrkistan oblysynyń «Arys» klýby premer-ligaǵa qosyldy, dep habarlaidy "Ult aqparat".
Klýbtyń baspasóz qyzmeti málim etkenindei, ótken maýsymda birinshi ligada óner kórsetken «Arys» óz tobynda «Aqtóbeden» keiin ekinshi oryn alǵan bolatyn.
Biyl Qazaqstan fýtbol federatsiiasy atqarý komitetiniń sheshimimen premer-liga qatary 14 komandaǵa deiin keńeitilgen bolatyn. Sondyqtan Oraldyń «Aqjaiyǵymen» birge «Arys» ta premer-ligada oinaýǵa múmkindik aldy.
«Kostýin» áýesqoi klýby 2002 jyly qurylyp, bir jyldan keiin kásipqoilar qataryna qosyldy. 2004 jyly «Arys» bolyp atalyp, alaida maýsym sońynda komanda tarap ketti.
2018 jyly «Arys» qaita jandanyp, 2019 jyly ekinshi ligada óner kórsetti. Osy maýsymnyń qorytyndysy boiynsha birinshi ligaǵa joldama aldy.
Osylaisha «Arys» klýby óz tarihynda alǵash ret premer-ligada oinamaqshy.
Komandanyń bas bapkeri – qazaqstandyq maman Ábdihalyq Bóribaev. Jattyqtyrýshylar quramyna sondai-aq Farhatbek Irismetov, Iýrii Novikov, Kýldosh Eshjanov kiredi.
