Búgin fýtboldan Premer-liga komandalary arasyndaǵy el birinshiliginiń úshinshi týry máresine jetti, dep habarlaidy "Ult aqparat".
Atalǵan týrdaǵy sońǵy oiyn Qostanaida jergilikti «Tobyl» men elordalyq «Astana» komandalary arasynda ótti. Eki ujym da týrnir kestesinde joǵary bóliginde tur. Jylma-jyl júldeli oryndarǵa talasyp keledi. Biyl da sol qarqynda oiyn kórsetýge tyrysyp júr.
Kezdesýde esepti alǵash bolyp alań ieleri ashty. Olardyń qatarynan Sergei Malyi ózine berilgen múmkindikti múlt jibergen joq. Budan keiin oiyn alma-kezek shabýylmen órbidi. Al 83-minýtta «Astana» sapynan Jarko Tomashevich tarazy basyn teńestirip ketti. Osylaisha oiyn 1:1 esebimen teń aiaqtaldy.
Sondai-aq, búgin Petropavldyń «Qyzyljary» óz alańynda Qaraǵandynyń «Shahterin» 2:0 esebimen súrindirdi. Al «Qairat» óz alańynda «Tarazben» teń tússe, Shymkenttiń «Ordabasy» klýby Oraldyń «Aqjaiyǵynan» 2:1 esebimen tize búktirdi.
4 sáýirde Túrkistanda «Turan» men Qyzylordanyń «Qaisary» 1:1 esebine qanaǵat bildirse, óz alańynda «Atyraý» «Aqtóbege» 1:3 esebimen ese jiberdi.
Endi tórtinshi týr oiyndary 9 jáne 10 cáýir kúnderi ótkiziledi. Aldymen 9 sáýirde «Taraz» ben «Shahter», «Aqtóbe» men «Ordabasy», «Qaisar» men «Kaspii», «Aqjaiyq» pen «Qyzyljar» kezdesse, 10 cáýirde «Astana» men «Atyraý», «Jetisý» men «Tobyl», «Qairat» pen «Turan» komandalary oinaidy.
