بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ٷشٸنشٸ تۋرى مەرەسٸنە جەتتٸ, دەپ حابارلايدى "ۇلت اقپارات".
اتالعان تۋرداعى سوڭعى ويىن قوستانايدا جەرگٸلٸكتٸ «توبىل» مەن ەلوردالىق «استانا» كوماندالارى اراسىندا ٶتتٸ. ەكٸ ۇجىم دا تۋرنير كەستەسٸندە جوعارى بٶلٸگٸندە تۇر. جىلما-جىل جٷلدەلٸ ورىندارعا تالاسىپ كەلەدٸ. بيىل دا سول قارقىندا ويىن كٶرسەتۋگە تىرىسىپ جٷر.
كەزدەسۋدە ەسەپتٸ العاش بولىپ الاڭ يەلەرٸ اشتى. ولاردىڭ قاتارىنان سەرگەي مالىي ٶزٸنە بەرٸلگەن مٷمكٸندٸكتٸ مٷلت جٸبەرگەن جوق. بۇدان كەيٸن ويىن الما-كەزەك شابۋىلمەن ٶربٸدٸ. ال 83-مينۋتتا «استانا» ساپىنان جاركو توماشەۆيچ تارازى باسىن تەڭەستٸرٸپ كەتتٸ. وسىلايشا ويىن 1:1 ەسەبٸمەن تەڭ اياقتالدى.
سونداي-اق, بٷگٸن پەتروپاۆلدىڭ «قىزىلجارى» ٶز الاڭىندا قاراعاندىنىڭ «شاحتەرٸن» 2:0 ەسەبٸمەن سٷرٸندٸردٸ. ال «قايرات» ٶز الاڭىندا «تارازبەن» تەڭ تٷسسە, شىمكەنتتٸڭ «ورداباسى» كلۋبى ورالدىڭ «اقجايىعىنان» 2:1 ەسەبٸمەن تٸزە بٷكتٸردٸ.
4 سەۋٸردە تٷركٸستاندا «تۇران» مەن قىزىلوردانىڭ «قايسارى» 1:1 ەسەبٸنە قاناعات بٸلدٸرسە, ٶز الاڭىندا «اتىراۋ» «اقتٶبەگە» 1:3 ەسەبٸمەن ەسە جٸبەردٸ.
ەندٸ تٶرتٸنشٸ تۋر ويىندارى 9 جەنە 10 cەۋٸر كٷندەرٸ ٶتكٸزٸلەدٸ. الدىمەن 9 سەۋٸردە «تاراز» بەن «شاحتەر», «اقتٶبە» مەن «ورداباسى», «قايسار» مەن «كاسپيي», «اقجايىق» پەن «قىزىلجار» كەزدەسسە, 10 cەۋٸردە «استانا» مەن «اتىراۋ», «جەتٸسۋ» مەن «توبىل», «قايرات» پەن «تۇران» كوماندالارى وينايدى.
