Búgin fýtboldan Premer-liga komandalary arasyndaǵy el birinshiligi úshinshi týrynyń taǵy bir kezdesýi aiaqtaldy, dep habarlaidy "Ult aqparat".
Biyl elimizdiń atynan eýrokýbok oiyndarynda baq synaityn Qaraǵandynyń «Shahteri» atalǵan týrda ekinshi márte jeńilistiń ashy dámin tatty. Bul joly qaraǵandylyq ujym Petropavlda «Qyzyljar» komandasyna 0:2 esebimen ese jiberdi. Kezdesý barysynda alań ieleri qatarynan Darko Zorich 16, Shota Grigalashvili 40-minýttarda mergendigimen kózge tústi.
Búgin taǵy eki oiynnyń birinshi kezeńi aiaqtaldy. Birinshi kezeńnen keiin óz alańynda Almatynyń «Qairaty» «Tarazdan» 0:2 esebimen jeńilip jatyr. «Taraz» sapynan Pedro Eýjenio 9, Baýyrjan Baitana 35-minýtta gol soqty.
Birinshi kezeńnen Shymkentte jergilikti «Ordabasy» Oraldyń «Aqjaiyǵymen» 0:0 esebimen teń túsýde.
Sondai-aq, búgin Qostanaida «Tobyl» men elordalyq «Astana» sheberlik baiqasady.
