بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸ ٷشٸنشٸ تۋرىنىڭ تاعى بٸر كەزدەسۋٸ اياقتالدى, دەپ حابارلايدى "ۇلت اقپارات".
بيىل ەلٸمٸزدٸڭ اتىنان ەۋروكۋبوك ويىندارىندا باق سىنايتىن قاراعاندىنىڭ «شاحتەرٸ» اتالعان تۋردا ەكٸنشٸ مەرتە جەڭٸلٸستٸڭ اششى دەمٸن تاتتى. بۇل جولى قاراعاندىلىق ۇجىم پەتروپاۆلدا «قىزىلجار» كومانداسىنا 0:2 ەسەبٸمەن ەسە جٸبەردٸ. كەزدەسۋ بارىسىندا الاڭ يەلەرٸ قاتارىنان داركو زوريچ 16, شوتا گريگالاشۆيلي 40-مينۋتتاردا مەرگەندٸگٸمەن كٶزگە تٷستٸ.
بٷگٸن تاعى ەكٸ ويىننىڭ بٸرٸنشٸ كەزەڭٸ اياقتالدى. بٸرٸنشٸ كەزەڭنەن كەيٸن ٶز الاڭىندا الماتىنىڭ «قايراتى» «تارازدان» 0:2 ەسەبٸمەن جەڭٸلٸپ جاتىر. «تاراز» ساپىنان پەدرو ەۋجەنيو 9, باۋىرجان بايتانا 35-مينۋتتا گول سوقتى.
بٸرٸنشٸ كەزەڭنەن شىمكەنتتە جەرگٸلٸكتٸ «ورداباسى» ورالدىڭ «اقجايىعىمەن» 0:0 ەسەبٸمەن تەڭ تٷسۋدە.
سونداي-اق, بٷگٸن قوستانايدا «توبىل» مەن ەلوردالىق «استانا» شەبەرلٸك بايقاسادى.
