Fýtboldan Qazaqstan chempionatynyń tórtinshi týrynda «Aqjaiyq» Petropavldyń «Qyzyljaryn» qabyldady, dep habarlaidy "Ult aqparat"
Birinshi taimda qos komanda barynsha shabýyldap kórgenimen, esep ashylǵan joq.
Ekinshi taim basynda qonaqtardan chernogoriialyq jartylai qorǵaýshy Darko Zorich tepken dopty «Aqjaiyqtyń» qaqpashysy, ýkrainalyq Sergei Litovchenko qaitarǵanymen, ol oraldyq Eldar Abdrahmanovqa tiip, qaqpaǵa kirip ketti.
Budan keiin «Qyzyljar» oiynshylary negizinen qorǵanysqa kóshti.
«Aqjaiyq» jańadan fýtbolshylar qosyp, kúsh salǵanymen, eshteńe ózgermedi.
84-minýtta «Qyzyljar» sapyndaǵy braziliialyq shabýylshy Alves Danilo Almeida dóreki oinap, alańnan qýyldy.
Osylaisha avtogol match taǵdyryn sheship, qonaqtar 1:0 esebimen jeńiske jetti.
Oraldyqtar kelesi kezdesýin 13 sáýir kúni syrt alańda «Shahtermen» ótkizedi. Biyl súreńsiz oinap júrgen qaraǵandylyqtar búgin «Tarazdan» 0:4 esebimen jeńilip qaldy.
