فۋتبولدان قازاقستان چەمپيوناتىنىڭ تٶرتٸنشٸ تۋرىندا «اقجايىق» پەتروپاۆلدىڭ «قىزىلجارىن» قابىلدادى, دەپ حابارلايدى "ۇلت اقپارات"
بٸرٸنشٸ تايمدا قوس كوماندا بارىنشا شابۋىلداپ كٶرگەنٸمەن, ەسەپ اشىلعان جوق.
ەكٸنشٸ تايم باسىندا قوناقتاردان چەرنوگورييالىق جارتىلاي قورعاۋشى داركو زوريچ تەپكەن دوپتى «اقجايىقتىڭ» قاقپاشىسى, ۋكراينالىق سەرگەي ليتوۆچەنكو قايتارعانىمەن, ول ورالدىق ەلدار ابدراحمانوۆقا تيٸپ, قاقپاعا كٸرٸپ كەتتٸ.
بۇدان كەيٸن «قىزىلجار» ويىنشىلارى نەگٸزٸنەن قورعانىسقا كٶشتٸ.
«اقجايىق» جاڭادان فۋتبولشىلار قوسىپ, كٷش سالعانىمەن, ەشتەڭە ٶزگەرمەدٸ.
84-مينۋتتا «قىزىلجار» ساپىنداعى برازيلييالىق شابۋىلشى الۆەس دانيلو المەيدا دٶرەكٸ ويناپ, الاڭنان قۋىلدى.
وسىلايشا اۆتوگول ماتچ تاعدىرىن شەشٸپ, قوناقتار 1:0 ەسەبٸمەن جەڭٸسكە جەتتٸ.
ورالدىقتار كەلەسٸ كەزدەسۋٸن 13 سەۋٸر كٷنٸ سىرت الاڭدا «شاحتەرمەن» ٶتكٸزەدٸ. بيىل سٷرەڭسٸز ويناپ جٷرگەن قاراعاندىلىقتار بٷگٸن «تارازدان» 0:4 ەسەبٸمەن جەڭٸلٸپ قالدى.
