Tailandta ótken áýesqoi fýtbol matchynda qaiǵyly oqiǵa boldy. Nóser jańbyr kezinde alańǵa naizaǵai túsip, 27 jastaǵy fýtbolshy oqiǵa ornynda kóz jumdy, dep habarlaidy ult.kz.
Jergilikti aqparat quraldarynyń málimetinshe, match qatty jaýyn-shashynǵa qaramastan jalǵasqan. Oiyn barysynda kenetten naizaǵai alańǵa túsip, «Iala» klýbynyń oiynshysy aýyr jaraqat alyp, dárigerlerdiń kómegine qaramastan qaitys boldy.
Oqiǵa saldarynan taǵy toǵyz fýtbolshy túrli deńgeide jaraqat alǵan. Zardap shekkenderdiń barlyǵy jaqyn mańdaǵy aýrýhanalarǵa jetkizilip, olarǵa qajetti meditsinalyq kómek kórsetilgen. Dárigerler olardyń jaǵdaiyn baqylaýda ustap otyr.
Oqiǵadan keiin match birden toqtatylyp, jergilikti bilik pen sport uiymdary tergeý jumystaryn bastady. Mamandar naizaǵai oinaǵan jáne aýa raiy kúrt nasharlaǵan kezde ashyq alańdarda sporttyq jarystardy ótkizbeýge shaqyryp, mundai jaǵdailarda qaýipsizdik talaptaryn qatań saqtaý qajettigin eskertti.
Bul qaiǵyly jaǵdai qolaisyz aýa raiynda ótetin sporttyq is-sharalarda qaýipsizdik sharalaryn kúsheitýdiń mańyzyn taǵy bir márte kórsetti.
