تايلاندتا ٶتكەن ەۋەسقوي فۋتبول ماتچىندا قايعىلى وقيعا بولدى. نٶسەر جاڭبىر كەزٸندە الاڭعا نايزاعاي تٷسٸپ, 27 جاستاعى فۋتبولشى وقيعا ورنىندا كٶز جۇمدى, دەپ حابارلايدى ult.kz.
جەرگٸلٸكتٸ اقپارات قۇرالدارىنىڭ مەلٸمەتٸنشە, ماتچ قاتتى جاۋىن-شاشىنعا قاراماستان جالعاسقان. ويىن بارىسىندا كەنەتتەن نايزاعاي الاڭعا تٷسٸپ, «يالا» كلۋبىنىڭ ويىنشىسى اۋىر جاراقات الىپ, دەرٸگەرلەردٸڭ كٶمەگٸنە قاراماستان قايتىس بولدى.
وقيعا سالدارىنان تاعى توعىز فۋتبولشى تٷرلٸ دەڭگەيدە جاراقات العان. زارداپ شەككەندەردٸڭ بارلىعى جاقىن ماڭداعى اۋرۋحانالارعا جەتكٸزٸلٸپ, ولارعا قاجەتتٸ مەديتسينالىق كٶمەك كٶرسەتٸلگەن. دەرٸگەرلەر ولاردىڭ جاعدايىن باقىلاۋدا ۇستاپ وتىر.
وقيعادان كەيٸن ماتچ بٸردەن توقتاتىلىپ, جەرگٸلٸكتٸ بيلٸك پەن سپورت ۇيىمدارى تەرگەۋ جۇمىستارىن باستادى. ماماندار نايزاعاي ويناعان جەنە اۋا رايى كٷرت ناشارلاعان كەزدە اشىق الاڭداردا سپورتتىق جارىستاردى ٶتكٸزبەۋگە شاقىرىپ, مۇنداي جاعدايلاردا قاۋٸپسٸزدٸك تالاپتارىن قاتاڭ ساقتاۋ قاجەتتٸگٸن ەسكەرتتٸ.
بۇل قايعىلى جاعداي قولايسىز اۋا رايىندا ٶتەتٸن سپورتتىق ٸس-شارالاردا قاۋٸپسٸزدٸك شارالارىن كٷشەيتۋدٸڭ ماڭىزىن تاعى بٸر مەرتە كٶرسەتتٸ.
