Búgin 21 jasqa deiingi jastar arasynda 2021 jylǵy Eýropa chempionatyna irikteý satysynda Qazaqstan jastar quramasy óz alańynda Soltústik Makedoniiany qabyldady, dep habarlaidy "Ult aqparat".
Búgingi oiynǵa deiin eki quramanyń týrnir kestesindegi jaǵdaiy birdei boldy. Ekeýi 10 upaimen ekinshi jáne úshinshi oryndardy ózara bólisti. Jeńgeni ekinshi orynǵa kóteriletin.
Kezdesý qazaqstandyq jastar úshin sátsiz bastaldy. Birinshi kezeńniń 38-minýtynda Soltústik Makedoniia oiynshysy Darko Chýrlinov esep ashty. Al 41-minýtta Iani Atanasov esepti ústemelei tústi.
Ekinshi kezeńniń basynda qonaqtar sapynan Darko Chýrlinov óziniń kezdesýde ekinshi goldyń avtory atandy. Budan keiin qazaqstandyq quramadan Oralhan Ómirtaev 52-minýtta esep aiyrmasyn qysqartqan edi.
Oiynnyń 67-minýtynda qonaqtar qatarynan Dimitar Mitrovski mergendik tanytty. Osylaisha makedon fýtbolshylary 4:1 esebimen jeńiske jetti.
Endi Qazaqstan jastar quramasy eki oiyn ótkizedi. Aldymen 13 qazanda syrt alańda Ispaniiamen kezdesip, 17 qarashada Farer araldaryn qabyldaidy.
