بٷگٸن 21 جاسقا دەيٸنگٸ جاستار اراسىندا 2021 جىلعى ەۋروپا چەمپيوناتىنا ٸرٸكتەۋ ساتىسىندا قازاقستان جاستار قۇراماسى ٶز الاڭىندا سولتٷستٸك ماكەدونييانى قابىلدادى, دەپ حابارلايدى "ۇلت اقپارات".
بٷگٸنگٸ ويىنعا دەيٸن ەكٸ قۇرامانىڭ تۋرنير كەستەسٸندەگٸ جاعدايى بٸردەي بولدى. ەكەۋٸ 10 ۇپايمەن ەكٸنشٸ جەنە ٷشٸنشٸ ورىنداردى ٶزارا بٶلٸستٸ. جەڭگەنٸ ەكٸنشٸ ورىنعا كٶتەرٸلەتٸن.
كەزدەسۋ قازاقستاندىق جاستار ٷشٸن سەتسٸز باستالدى. بٸرٸنشٸ كەزەڭنٸڭ 38-مينۋتىندا سولتٷستٸك ماكەدونييا ويىنشىسى داركو چۋرلينوۆ ەسەپ اشتى. ال 41-مينۋتتا ياني اتاناسوۆ ەسەپتٸ ٷستەمەلەي تٷستٸ.
ەكٸنشٸ كەزەڭنٸڭ باسىندا قوناقتار ساپىنان داركو چۋرلينوۆ ٶزٸنٸڭ كەزدەسۋدە ەكٸنشٸ گولدىڭ اۆتورى اتاندى. بۇدان كەيٸن قازاقستاندىق قۇرامادان ورالحان ٶمٸرتاەۆ 52-مينۋتتا ەسەپ ايىرماسىن قىسقارتقان ەدٸ.
ويىننىڭ 67-مينۋتىندا قوناقتار قاتارىنان ديميتار ميتروۆسكي مەرگەندٸك تانىتتى. وسىلايشا ماكەدون فۋتبولشىلارى 4:1 ەسەبٸمەن جەڭٸسكە جەتتٸ.
ەندٸ قازاقستان جاستار قۇراماسى ەكٸ ويىن ٶتكٸزەدٸ. الدىمەن 13 قازاندا سىرت الاڭدا يسپانييامەن كەزدەسٸپ, 17 قاراشادا فارەر ارالدارىن قابىلدايدى.
