Búgin 21 jasqa deiingi jastar arasynda fýtboldan 2023 jylǵy Eýropa chempionaty irikteý satysynda Qazaqstan ekinshi oiynynda Daniiany qabyldady, dep habarlaidy "Ult aqparat".
Eske salsaq, Qazaqstan jastary I tobynda synǵa tústi. Qarsylastary - Belgiia, Daniia, Shotlandiia jáne Túrkiia quramalary.
Búgingi kezdesýde qos quramanyń da jeńiske jetý múmkindigi boldy. Birinshi kezeńde ekeýin de gol soǵatyn birneshe sát týyndady. Alaida tablodaǵy esep ózgerissiz qaldy.
Ekinshi kezeńde daniialyq fýtbolshylar basymdyqty arttyra tústi. Nátijesinde 78-minýtta olardyń qatarynan Villiam Vik kezdesý taǵdyryn sheshken jalǵyz goldy soqty.
Osylaisha Qazaqstan jastary qarsylasyna 0:1 esebimen ese jiberdi.
Qazaqstandyq fýtbolshylar buǵan deiin biylǵy jyldyń 4 maýsymynda óz alańynda Belgiiadan 1:3 esebimen jeńilip qalǵan edi.
Týrnir kestesinde qazaqstandyq oiynshylar eki oiynnan keiin tórtinshi orynda keledi.
Qazaqstan endi 8 qazanda Belgiiamen syrt alańa sheberlik baiqassa, 12 qazanda óz alańynda Túrkiiamen jasyl alańǵa shyǵady.
