بٷگٸن 21 جاسقا دەيٸنگٸ جاستار اراسىندا فۋتبولدان 2023 جىلعى ەۋروپا چەمپيوناتى ٸرٸكتەۋ ساتىسىندا قازاقستان ەكٸنشٸ ويىنىندا دانييانى قابىلدادى, دەپ حابارلايدى "ۇلت اقپارات".
ەسكە سالساق, قازاقستان جاستارى I توبىندا سىنعا تٷستٸ. قارسىلاستارى - بەلگييا, دانييا, شوتلاندييا جەنە تٷركييا قۇرامالارى.
بٷگٸنگٸ كەزدەسۋدە قوس قۇرامانىڭ دا جەڭٸسكە جەتۋ مٷمكٸندٸگٸ بولدى. بٸرٸنشٸ كەزەڭدە ەكەۋٸن دە گول سوعاتىن بٸرنەشە سەت تۋىندادى. الايدا تابلوداعى ەسەپ ٶزگەرٸسسٸز قالدى.
ەكٸنشٸ كەزەڭدە دانييالىق فۋتبولشىلار باسىمدىقتى ارتتىرا تٷستٸ. نەتيجەسٸندە 78-مينۋتتا ولاردىڭ قاتارىنان ۆيلليام ۆيك كەزدەسۋ تاعدىرىن شەشكەن جالعىز گولدى سوقتى.
وسىلايشا قازاقستان جاستارى قارسىلاسىنا 0:1 ەسەبٸمەن ەسە جٸبەردٸ.
قازاقستاندىق فۋتبولشىلار بۇعان دەيٸن بيىلعى جىلدىڭ 4 ماۋسىمىندا ٶز الاڭىندا بەلگييادان 1:3 ەسەبٸمەن جەڭٸلٸپ قالعان ەدٸ.
تۋرنير كەستەسٸندە قازاقستاندىق ويىنشىلار ەكٸ ويىننان كەيٸن تٶرتٸنشٸ ورىندا كەلەدٸ.
قازاقستان ەندٸ 8 قازاندا بەلگييامەن سىرت الاڭا شەبەرلٸك بايقاسسا, 12 قازاندا ٶز الاڭىندا تٷركييامەن جاسىل الاڭعا شىعادى.
