Búgin 21 jasqa deiingi jastar arasynda 2021 jylǵy Eýropa chempionatyna irikteý satysynda Qazaqstan jastar quramasy syrt alańda Ispaniiamen kezdesti, dep habarlaidy "Ult aqparat".
Esterińizge sala ketelik, qos qurama altynshy topta synǵa túsip jatyr. Qarsylastary - Soltústik Makedoniia, Izrail, Chernogoriia jáne Farer araldary.
Qazirge deiin 7 oiynnan keiin Ispaniia jastary 19 upaimen birinshi orynda turdy. Al qazaqstandyq jastar 8 oiynnan keiin 10 upaimen tórtinshi orynǵa turaqtady.
Aita keterligi, alań ieleri búgin jeńiske jetken jaǵdaida jarystyń finaldyq kezeńine joldamany jeńip altyn edi.
Ispaniia jastary sol degenine jetýge bar kúshin saldy. Birinshi kezeńde birneshe qaýipti sátterdi uiymdastyrdy. Degenmen tablodaǵy esep ózgergen joq.
Ekinshi kezeńniń 65-minýtynda ispandyq Ýgo Giliamon esep ashsa, 71, 83-minýttarda Daniel Gomes mergendik tanytty. Oiynda Ispaniia 3:0 esebimen jeńiske jetti.
Qazaqstan jastary endi 17 qarashada óz alańynda Farer araldaryn qabyldaidy.
Irikteý satysynda qazaqstandyq jastar ala-qula oiyn kórsetti. Aldymen syrt alańda Farer araldaryn 3:1, Chernogoriiany 2:1 esebimen súrindirdi. Odan keiin óz alańynda Ispaniiadan 0:1, Izrailden 1:2 esebimen jeńilip qaldy. Al besinshi kezdesýinde Soltústik Makedoniiamen 1:1 esebimen teń tarqasty. Altynshy oiynda óz alańynda Chernogoriiaǵa 0:4 esebimen jeńildi. Odan keiin syrt alańda Izrailden 2:1 esebimen basym tústi. Jetinshi oiynda óz alańynda Soltústik Makedoniiaǵa 1:4 esebimen ese jiberdi.
