Fýtboldan 17 jasqa deiingi jasóspirimder quramasy Belarýs jerinde ótip jatqan Damý kýbogynyń ekinshi oiynynda jeńiske jetti, dep habarlaidy "Ult aqparat" klýbtyń baspasóz qyzmetine silteme jasap.
Esterińizge sala ketelik, budan buryn qazaqstandyq fýtbolshylar alǵashqy týrda Tájikstan quramasyna 1:7 esebimen oisyrai jeńilgen edi. Sol ketken eseni búgingi oiynda qaitardy.
Qazaqstandyqtar Belarýs eliniń 16 jasqa deiingi jasóspirimder quramasyn 4:2 esebimen tize búktirdi. Birinshi kezeńde olar qarsylastar qaqpasyna jaýapsyz tórt gol soqty. Miras Amantaev 96, Ámiráli Orazbek 23, Ámir Temirǵali 40,Ian Trýfanov 45-minýttarda mergendik tanytty. Al Belarýs jasóspirimderi oǵan 89 jáne tóreshi qosqan qosymsha ýaqytta eki golmen jaýap qaiyrdy.
Atalǵan toptaǵy Tájikstan (U17) fýtbolshylary Moldova (U16) órenderin 5:1 esebimen súrindirdi.
Eki týrdan keiin alty upai jinaǵan Tájikstan (U17) kósh basynda tur. Odan keiingi oryndardaǵy Qazaqstan (U17) men Moldovada (U16) úsh-úshten upai bar. Ázirge kósh sońyndaǵy Belarýs (U16) órenderiniń qorjyny bos, eshqandai upai alǵan joq.
Ende qazaqstandyq órender 6 aqpanda Moldova (U16) quramasymen kezdesedi.
